ජගුවර් ලෑන්ඩ් රෝවර් (Jaguar Land Rover) සමාගම විසින් අමෙරිකාවේ භාවිත වන සිය රථ වාහන 170,169ක් ආපසු කැඳවීමට (Recall) පියවර ගෙන ඇති බව අමෙරිකානු ජාතික මහාමාර්ග රථවාහන සුරක්ෂිතතා පරිපාලනය (NHTSA) අද (23) නිවේදනය කළේය. ධාවන බලය හදිසියේ බිඳ වැටීමේ අවදානමක් (Loss of drive power) හේතුවෙන් මෙම තීරණය ගෙන තිබේ.
මෙම ආපසු කැඳවීම යටතට රේන්ජ් රෝවර් (Range Rover), ඩිස්කවරි (Discovery), රේන්ජ් රෝවර් ස්පෝර්ට් (Range Rover Sport) සහ ඩිෆෙන්ඩර් (Defender) ඇතුළු මාදිලි කිහිපයක් ඇතුළත් වේ. වාහනයේ පවතින DC-DC පරිවර්තකයේ (DC-DC converter) දෝෂයක් හේතුවෙන් වෝල්ට් 12 පද්ධතිය ආරෝපණය වීම නතර විය හැකි බවත්, එමඟින් වාහනයේ ධාවන බලය මෙන්ම බාහිර ආලෝක පද්ධතිය ද සම්පූර්ණයෙන්ම අක්රිය විය හැකි බවත් රෙගුලාසි බලධාරීන් පෙන්වා දෙයි. මෙය මාර්ග අනතුරු සඳහා දැඩි අවදානමක් පවතින බැවින් අදාළ දෝෂය නොමිලේ නිවැරදි කර දීමට සමාගම කටයුතු කරනු ඇත.
