දිවයිනේ ප්රදේශ රැසකට පවතින අධික වර්ෂාපතනයත් සමඟ ජාතික ගොඩනැගිලි පර්යේෂණ සංවිධානය (NBRO) විසින් නායයෑම් පූර්ව අනතුරු ඇඟවීම් නිවේදන යාවත්කාලීන කිරීමට පියවර ගෙන තිබේ. මෙම නිවේදනය අද (22) පෙරවරු 09:30 සිට හෙට (23) පෙරවරු 08:30 දක්වා ක්රියාත්මක වන පරිදි නිකුත් කර ඇත
මහනුවර දිස්ත්රික්කයේ උඩුනුවර, ගඟ ඉහළ කෝරළය, දොළුව සහ යටිනුවර යන ප්රදේශ සඳහාත්, කෑගල්ල දිස්ත්රික්කයේ කෑගල්ල, යටියන්තොට, මාවනැල්ල, දෙහිඕවිට සහ අරණායක යන ප්රදේශ සඳහාත් රතු නිවේදන බලපැවැත්වේ. එසේම මාතලේ දිස්ත්රික්කයේ ලග්ගල පල්ලේගම, අඹන්ගළ කෝරළය, උකුවෙල, විල්ගමුව සහ රත්තොට යන ප්රදේශවලට මෙන්ම රත්නපුර දිස්ත්රික්කයේ රත්නපුර නගර සීමාවට ද මෙම ඉවත් වීමේ නිවේදන අදාළ වේ.
බදුල්ල දිස්ත්රික්කයේ මීගහකිවුල, කන්දේකැටිය, හපුතලේ, පස්සර, බණ්ඩාරවෙල සහ හම්බන්තොට දිස්ත්රික්කයේ වලස්මුල්ල යන ප්රදේශවල ජනතාව වර්ෂාව පවතී නම් නායයෑම් පිළිබඳව විමසිලිමත් විය යුතුය. තවද කෑගල්ලේ දැරණියගල සහ බුලත්කොහුපිටිය, කුරුණෑගල මල්ලවපිටිය, මොනරාගල වැල්ලවාය, නුවරඑළිය දිස්ත්රික්කයේ මතුරට, කොත්මලේ සහ හඟුරක්කෙත මෙන්ම රත්නපුරේ කුරුවිට, නිවිතිගල, ඇහැලියගොඩ සහ කොලොන්න යන ප්රදේශ ද මෙම අනතුරු ඇඟවීමේ මට්ටමට අයත් වේ.
බදුල්ලේ හල්දුම්මුල්ල, ගාල්ලේ නියාගම, මොනරාගල බඩල්කුඹුර සහ නුවරඑළිය දිස්ත්රික්කයේ නිල්දණ්ඩාහින්න, වලපනේ, නෝවුඩ් සහ අඹගමුව යන ප්රදේශවල වැසියන් ඉදිරි කාලගුණ තත්ත්වය පිළිබඳව අවධානයෙන් සිටීම වැදගත්ය. රත්නපුර දිස්ත්රික්කයේ කිරිඇල්ල, කළවාන සහ අයගම යන ප්රදේශවල ද නායයෑම් පූර්ව ලක්ෂණ පිළිබඳ සැලකිලිමත් වන ලෙස උපදෙස් දී තිබේ.
පොළොවේ හටගන්නා පැලුම්, ගස් හෝ විදුලි කණු ඇලවීම් සහ හදිසියේ ජල උල්පත් මතු වීම වැනි නායයෑම් පූර්ව ලක්ෂණ දුටු විගස ප්රදේශයෙන් ඉවත් වීමට කටයුතු කරන ලෙස ආපදා කළමනාකරණ අංශ මහජනතාවගෙන් ඉල්ලා සිටී.
