මහනුවර පේරාදෙණිය විශ්වවිද්යාල පරිශ්රය තුළ කොටියන් ගැවසෙන බවට වාර්තා වීමත් සමඟ සිසුන්, ආචාර්යවරුන් සහ අනෙකුත් කාර්ය මණ්ඩලය වෙත විශේෂ ආරක්ෂක නිවේදනයක් නිකුත් කිරීමට විශ්වවිද්යාල පාලනාධිකාරිය පියවර ගෙන තිබේ. පසුගිය මාර්තු 4 වැනිදා පැවැති සරසවි ආරක්ෂක කමිටු රැස්වීමේදී ගනු ලැබූ තීරණයකට අනුව උපකුලපති කාර්යාලය මගින් මෙම දැනුම්දීම සිදු කර ඇත.
පවතින තත්ත්වය පිළිබඳව වාර්තා වන කරුණු මෙසේය. සරසවි පරිශ්රයේ ස්ථාන කිහිපයකදීම කොටියන් දැක ඇති බවට තොරතුරු ලැබී ඇති අතර, සත්ව වෛද්ය පීඨයට අයත් අභ්යාස ගොවිපළේ (Veterinary Teaching Farm) සිටින සතුන්ට කොටියන් පහර දී ඇති බව ද තහවුරු වී තිබේ. මේ හේතුවෙන් සරසවි පරිශ්රය තුළ ගමන් කිරීමේදී දැඩි විමසිල්ලෙන් පසුවන ලෙස පාලනාධිකාරිය සියලු දෙනාගෙන් ඉල්ලා සිටියි.
විශේෂයෙන්ම අලුයම කාලයේ, සවස් කාලයේ සහ රාත්රී කාලයේදී තනිව ගමන් කිරීමෙන් වළකින ලෙසත්, කිසියම් ස්ථානයකදී කොටියෙකු දුටුවහොත් ඒ පිළිබඳව වහාම විශ්වවිද්යාල ආරක්ෂක අංශය වෙත දැනුම් දෙන ලෙසත් උපදෙස් දී තිබේ. සත්ව වෛද්ය පීඨයේ ගොවිපළ අවට සහ ඒ අසල ඇති ප්රදේශවල ගමන් කිරීමේදී වඩාත් ප්රවේශම් විය යුතු බව ද එම නිවේදනයේ වැඩිදුරටත් සඳහන් වේ.
