සුළං, සූර්ය තාපය සහ ස්වභාවික වායු වැනි පුනර්ජනනීය බලශක්ති ප්රභවයන් විදුලි බල පද්ධතියට කඩිනමින් එක් කර ගැනීමට ඇති හැකියාව ජනාධිපති ගෝඨාභය රාජපක්ෂ මහතා විමර්ශනය ලක් කල බව ජනාධිපති මාධ්ය අංශය පවසයි.
ජනාධිපතිවරයා මේ බව පැවුසවේ අද (15) පෙරවරුවේ ජනාධිපති කාර්යාලයේ පැවති විදුලි උත්පාදනය පිළිබඳ සාකච්ඡාවේ දීය.
එහිදී ජනාධිපතිවරයා පැවසුවේ “සෞභාග්යයේ දැක්ම” ප්රතිපත්ති ප්රකාශයට අනුව 2030වන විට සමස්ත විදුලි අවශ්යතාවයෙන් 70%ක් පුනර්ජනනීය බලශක්ති ප්රභවයන්ගෙන් සපුරා ගැනීමට රජය අපේක්ෂා කරන බවයි.
අනාගත සංවර්ධන ව්යාපෘති ක්රියාත්මක කිරීමේ දී බලශක්තිය සඳහා වැඩිවන ඉල්ලුම පුනර්ජනනීය බලශක්ති ප්රභවයන්ගෙන් ගැනීම රජයේ අරමුණ වන අතර එහි පළමු අදියර යටතේ මන්නාරම දූපතේ ස්ථාපිත සුළං බලාගාර පද්ධතිය මෙගා වොට් 30ක ධාරිතාවක් ප්රධාන විදුලි බල පද්ධතියට එක් කර තිබෙන බව ජනාධිපතිවරයා පැවසිය.
2021 අවසන් වන විට එම ධාරිතාව මෙගා වොට් 100 දක්වා වැඩි කරන අතර චූන්නාක්කම් සහ පුනරින් යන ප්රදේශ කේන්ද්ර කර ගනිමින් ද සුළං බලාගාර ඉදි කරන අතර සූර්ය බලයෙන් සහ ස්වභාවික වායු යොදා ගනිමින් නිෂ්පාදනය කෙරෙන මෙගා වොට් සංඛ්යාව ක්රමානුකූලව ඉහළ නැංවීමට ද සැලසුම් කර ඇති බව ජනාධිපතිවරයා පැවසිය.
ව්යාපෘති ක්රියාවට නැංවිමේ දී පෞද්ගලික ව්යවසායකයන්ට ඇති වන බාධා ඉවත් කොට ඒ සඳහා සියලු දිරි ගැන්වීම් රජය මගින් ලබාදිය යුතුයැයි ජනාධිපතිවරයා සඳහන් කළේය. සෙසු ආයතන මගින් පූර්ව අනුමැතිය ගෙන ආයෝජකයන්ට දීමේ වගකීම විදුලිබල අමාත්යාංශයට පැවරිණ.
ආයෝජන මණ්ඩලය සහ විදුලි බල අමාත්යාංශය එක්ව ආයෝජන අවස්ථා හඳුනාගෙන ව්යාපෘති කඩිනමින් ක්රියාවට නැංවිය යුතුයැයි ද රාජපක්ෂ මහතා පැවසීය.
සූර්ය කෝෂ මාර්ගයෙන් බලශක්තිය නිෂ්පාදනය සැලසුම් කිහිපයක් යටතේ සිදු කෙරේ. සමෘද්ධි පවුල් ලක්ෂයක් හඳුනාගෙන නිවාස වහල මත සූර්ය කෝෂ ඉදිකර ඔවුන්ට ආදායමක් හිමිවන සේ එක් ව්යාපෘතියක් ක්රියාවට නැංවේ. ඒ සඳහා
නිවසකට වැය වන රුපියල් ලක්ෂ 08ක මුදල රජයෙන් දැරිය යුතු බව ජනාධිපතිවරයා සඳහන් කළේය.
අමාත්ය ඩලස් අලහප්පෙරුම, රාජ්ය අමාත්ය දුමින්ද දිසානායක, ජනාධිපති ලේකම් පී.බී. ජයසුන්දර, විදුලිබල අමාත්යාංශයේ ලේකම් වසන්තා පෙරේරා යන මහත්ම මහත්මීහු සහ අදාළ ආයතනවල සභාපතිවරු සාකච්ඡාවට එක්ව සිටියහ.
ජනාධිපති මාධ්ය අංශය
