කාන්තා පන්දුවාර 20 ලෝක කුසලාන ක්රිකට් තරගාවලියේ සමාරම්භක තරගයෙන් ලකුණු 87ක අසීරු පරාජයක් ලැබීමට ශ්රී ලංකා කණ්ඩායමට සිදු විය. ප්රබල එංගලන්ත කණ්ඩායම සමඟ පැවැති මෙම තරගයේ කාසියේ වාසිය දිනූ ශ්රී ලංකා කණ්ඩායම පළමුවෙන් පන්දු යැවීමට තීරණය කළේය.
ඒ අනුව ප්රථමයෙන් පන්දුවට පහර දුන් එංගලන්ත කණ්ඩායම නියමිත පන්දුවාර 20 තුළ එක් කඩුල්ලක් පමණක් දැවී ලකුණු 219ක දැවැන්ත ලකුණු සංඛ්යාවක් රැස් කිරීමට සමත් විය. පිළිතුරු ඉනිම ක්රීඩා කළ ශ්රී ලංකා කණ්ඩායමට එංගලන්ත පන්දු යවන්නියන් හමුවේ සාර්ථක වීමට නොහැකි වූ අතර, පන්දුවාර 20 අවසානයේ සියල්ලන් දැවී ලබා ගැනීමට හැකි වූයේ ලකුණු 132ක් පමණි.
මෙම පරාජයත් සමඟ ශ්රී ලංකාව මෙවර තරගාවලිය පරාජයකින් ආරම්භ කර ඇති අතර, තරගාවලියේ ශ්රී ලංකාව ක්රීඩා කරන මීළඟ තීරණාත්මක තරගය ලබන 16 වැනිදා නවසීලන්තයට එරෙහිව පැවැත්වීමට නියමිතව තිබේ.
