මාලදිවයිනේ පැවැත්වෙන දකුණු ආසියානු යොවුන් පාපන්දු තරගාවලියේ (SAFF Youth Championship) තීරණාත්මක තරගයකදී නේපාලය හමුවේ ගෝල 1-0ක පරාජයක් ලැබීමට ශ්රී ලංකා යොවුන් කණ්ඩායමට සිදු විය. තරගය පුරා දෙපිලම කරට කර සටනක නිරත වූවද, නේපාල ක්රීඩකයින් වාර්තා කළ එක් ගෝලය හමුවේ ශ්රී ලංකාවට මෙම පසුබෑමට මුහුණ දීමට සිදු විය.
මීට පෙර පැවති තරගයේදී සත්කාරක මාලදිවයින ගෝල 3-2ක් ලෙස පරාජය කරමින් ඉහළ ජයග්රාහී මානසිකත්වයක සිටි ශ්රී ලංකා පිලට මෙම පරාජය තරගාවලියේ ඉදිරි ගමනට යම් බලපෑමක් එල්ල කරනු ඇත. කෙසේ වෙතත්, සිය පරාජය අමතක කරමින් ශ්රී ලංකා යොවුන් කණ්ඩායම හෙට (27) භූතානය සමඟ පැවැත්වෙන තරගයට සහභාගි වීමට නියමිතය. මෙම තරගය ජයග්රහණය කිරීම ශ්රී ලංකාවට තරගාවලියේ අවසන් වටයට සුදුසුකම් ලැබීම සඳහා අතිශය වැදගත් වේ.
