මහා භාණ්ඩාගාරයේ සිදුව ඇති බව කියන රුපියල් මිලියන දෙකහමාරක මූල්ය අක්රමිකතාවයේ වගකීම රජයට සම්බන්ධයක් නැති පුද්ගලික ආයතන දෙකක් මත පැටවීමට රජය සූදානම් වන බවට ෆ්රී ලෝයර්ස් (Free Lawyers) සංවිධානය චෝදනා කරයි. හිටපු ආණ්ඩුකාර රජිත කීර්ති තෙන්නකෝන් මහතා මාධ්ය හමුවක් පවත්වමින් මේ පිළිබඳව කරුණු අනාවරණය කළේය.
රජය මෙය “හැකර්” ප්රහාරයක් ලෙස පෙන්වීමට උත්සාහ කළද, මෙය මහා භාණ්ඩාගාරයේ සහ මහා බැංකුවේ අභ්යන්තර තොරතුරු කාන්දු වීමක් හරහා සිදුවූවක් බව තෙන්නකෝන් මහතා අවධාරණය කළේය.
මේ සම්බන්ධයෙන් කරුණු 15ක් පිළිබඳව පාර්ලිමේන්තු මුදල් කමිටුවේ සභාපති හර්ෂ ද සිල්වා මහතාගෙන් කරුණු විමසීමට කටයුතු කර ඇත.
මුදල් අමාත්යාංශයේ ලේකම් හර්ෂණ සූර්යපෙරුම මහතා පාර්ලිමේන්තු මුදල් කමිටුව මඟහරිමින් තොරතුරු වසන් කරන බවට චෝදනා එල්ල විය. සාධාරණ විමර්ශනයක් සඳහා ලේකම්වරයා වහාම ධුරයෙන් ඉල්ලා අස්විය යුතු බවත්, නැතහොත් ඔහුව ධුරයෙන් ඉවත් කිරීමට ජනාධිපතිවරයාට නිර්දේශ කරන ලෙසත් මුදල් කමිටුවෙන් ඉල්ලා සිටින ලදී.
2024 අංක 33 දරන ණය කළමනාකරණ පනතේ 8 වැනි වගන්තිය ප්රකාරව ‘ණය සේවාකරණ කමිටුව’ පිහිටුවා තිබුණේ නම් මෙම අපරාධය වළක්වා ගැනීමට තිබූ බව ඒ මහතා පෙන්වා දුන්නේය. පනත නිසි ලෙස ක්රියාත්මක නොකිරීම මෙම මහා පරිමාණ මූල්ය හානියට මඟ පාදා ඇති බවට චෝදනා කෙරිණි.
රජයේ ණය මුදල්, වාරික සහ පොලිය පිළිබඳ විනිවිදභාවයකින් යුතුව වාර්තා ඉදිරිපත් කිරීමේ වගකීම බලධාරීන් පැහැර හැර ඇති බවටද මෙහිදී කරුණු ඉදිරිපත් විය.
මහා බැංකුව සහ භාණ්ඩාගාරය කිසිදු වරදක් නොකරන ආයතන ලෙස සලකා කටයුතු කිරීම නිසා මුදල් කමිටුවට සිය බලතල ක්රියාත්මක කිරීමට බාධා පැමිණ ඇති බව පෙන්වා දුන් ෆ්රී ලෝයර්ස් සංවිධානය, වහාම ස්වාධීන පරීක්ෂණයක් පවත්වන ලෙස රජයට අවධාරණය කළේය.
