විශ්රාම වැටුප සුරැකීමේ සේවක මධ්යස්ථානය නිවේදනයක් නිකුත්කරමින්, අහිමි කරනලද රාජ්ය සේවක විශ්රාම වැටුප සම්බන්ධයෙන් ජනාධිපතිවරණ අපේක්ෂකයින් ඉදිරියේ දි ගන්නා පියවර සම්බන්ධයෙන් අවධානය යොමුකර සිටී.
එම නිවේදනයේ මෙසේ ද සඳහන්වෙයි.
2016 වසරේ ජනවාරි පළමුවැනිදායින් පසුව රාජ්ය සේවයට බැඳෙන අයට හිමි විශ්රාම වැටුප් හිමිකම අහෝසි කිරීමට මේ වන විට රජය පියවර ගෙන ඇති අතර ඊට එරෙහිව රාජ්ය සේවකයන් සහ වෘත්තීය සමිති විශාල හඬක් නගමින් සිටී. විශ්රාම වැටුප සුරැකීමේ සේවක මධ්යස්ථානය ද මෙම විරෝධයේදී ප්රමුඛ කාර්යභාරයක් සිදු කළේය. වත්මන් ආණ්ඩුව අයවැය යෝජනාවක් ලෙස විශ්රාම වැටුප කප්පාදු කළ අතර රාජපක්ෂ ආණ්ඩුව 2006 වසරේදී විශ්රාම වැටුප අහෝසි කිරීමට පනතක් පවා ගෙන ආ අතර වෘත්තීය සමිතිවල මැදිහත්වීම මත එය පරාජය කිරීමට හැකි විය.
2016න් පසුව රාජ්ය සේවයට බැඳුණු, පූර්ණ විශ්රාම වැටුප් ක්රමයේ ප්රතිලාභ අහිමි වන රාජ්ය සේවකයන් ගණන 50,000 ඉක්මවා තිබේ. මේ නිසා මෙය රාජ්ය සේවකයන්ගේ බරපතළ ප්රශ්නයක් වනවා සේම ප්රමුඛ ඉල්ලීමක්ද වේ. රජයේ සේවකයන්ගේ ඉල්ලීම් අතර මූලිකම ඉල්ලීමක් වන්නේද කප්පාදු කරන ලද විශ්රාම වැටුප නැවත ස්ථාපිත කළ යුතුය යන්නයි.
එසේ තිබියදී ජනාධිපතිවරණයට තරග කරන අපේක්ෂකයන් මෙවර තැපැල් ඡුන්දය ඉලක්ක කර ගෙන පළ කර ඇති දැන්වීම්වල රාජ්ය සේවකයන්ගේ කප්පාදු කරන ලද විශ්රාම වැටුප යළි ස්ථාපිත කරන බවට පොරොන්දුවක් හෝ නොදී තිබීම බරපතළ ගැටලූවකි. සජිත් පේ්රමදාස, ගෝඨාභය රාජපක්ෂ පමණක් නොව අනුර කුමාර දිසානායකද රජයේ සේවකයන්ගේ ප්රධාන ගැටලූවක් වන විශ්රාම වැටුප් ඉල්ලීම නොසලකා හැර තිබීමෙන් පෙනෙන්නේ ඔවුන් රාජ්ය සේවකයා පිළිබඳව දක්වන සැලකිල්ලේ සැබෑ ස්වරූපය බව පැහැදිලිය. ඒ නිසා කප්පාදු කරන ලද රාජ්ය සේවකයන්ගේ විශ්රාම වැටුප් හිමිකම නැවත ස්ථාපිත කරනවාද යන්න ඔවුන්ගෙන් ප්රශ්න කළ යුතුව තිබේ.
කෙසේ වෙතත්, මේ කිසිවකුත් රාජ්ය සේවකයාගේ සැබෑ අයිතීන් වෙනුවෙන් පෙනී නොසිටින බව පැහැදිලිය. අයිතිවාසිකම් දිනා ගත හැක්කේ සංවිධානාත්මකව, අරමුණු සහගතව, නිසි නායකත්වයක් යටතේ අරගල කිරීමෙන් පමණක් බව සමස්ත ඉතිහාසය පුරාම අපට ඔප්පු කර පෙන්වා තිබේ. ඒ නිසා කප්පාදු කරන ලද විශ්රාම වැටුප නැවත දිනා ගැනීමේ අරගලය ශක්තිමත් කිරීම සඳහා කටයුතු කරන ලෙස අපි සමස්ත රාජ්ය සේවකයන්ගෙන් ඉල්ලා සිටිමු.
* සටහන : අකලූෂ විද්යාතිලක
