කටුනායක ගුවන් තොටුපොළ වෙත පැමිණි මගීන්ගේ ගමන් මලුවල තිබූ භාණ්ඩ සොරා ගත්තේ යැයි ගුවන් තොටුපොළේ සේවකයෙකු පොලිසිය අත්අඩංගුවට ගෙන තිබේ.
අත්අඩංගුවට ගත් සැකකරු වයස අවුරුදු 22 හැවිරිදි පුද්ගලයෙකි.
මොහු සැප්තැම්බර් 23 වන දා මැලේසියාවේ ක්වාලාලම්පූර් නුවර සිට පැමිණි ශ්‍රී ලන්කන් ගුවන් සේවයේ යූ.එල්.- 314 දරන ගුවන් යානයේ පැමිණි ගුවන් මගීන්ගේ ගමන් මලුවල තිබූ භාණ්ඩ සොරා ගත් බවට එහි සවි කර තිබූ ආරක්ෂිත කැමරා පද්ධතිය තුළ සටහන් වී තිබේ.
ඒ පිළිබඳව ශ්‍රී ලන්කන් ගුවන් සේවයේ විමර්ශන අංශයේ නිලධාරීන් පොලිසිය වෙත දැනුම් දීමෙන් පසු සැකකරු අත්අඩංගුවට ගෙන ඇත.
මේ පිළිබඳව කටුනායක ගුවන් තොටුපොළ පොලිසිය වැඩිදුර විමර්ශන සිදු කරයි.
[mawbima]
