දූෂිත නැති ඕනෑ ම කෙනෙකුට සමගි ජන බලවේගය සමඟ සාකච්ඡා කිරීමට, වැඩපිළිවෙලක් සාදා ගැනීමට හා එකඟතාවට පැමිණීමට සමගි ජන බලවේගය සූදානම් බව විපක්ෂයේ ප්රධාන සංවිධායක, සජබ පාර්ලිමේන්තු මන්ත්රී ගයන්ත කරුණාතිලක මහතා ‘මව්බිම’ට පැවැසුවේය.
රටේ ජනතාව මුහුණ දී ඇති පීඩනය හමුවේ ආණ්ඩුවට විරුද්ධ සියලු බලවේග එකතු කරගෙන ඉදිරි ගමන යෑමට සූදානම් බව ඔහු කීය.
අඩු මිලට වාහන ගැනීමට සිටි තරුණ තරුණියන්ට හොඳ ඉහළ මිලකට වාහන ගැනීමට සිදුවනු ඇති බව ත් ආණ්ඩුව ඡන්දවලට පෙර කී දේට වෙනස්ම දෙයක් දැන් කරන බව ත් මන්ත්රීවරයා කීවේය.
මේ නිසා ආණ්ඩුව ජනතාව රැවටූ බවත් ඔහු කීවේය. එසේ ම කවදාවත් නොවූ ආකාරයට රටේ සහල් හිඟයක් ඇති වී තිබෙන බවත් ප්රශ්නවලට විසඳුම් දීමට නොහැකි ආණ්ඩුවක් බව ඔහු කීය.
හාල් නැති තැනක් පෙන්වන්නැයි වෙළෙඳ ඇමතිවරයා කීවත් හාල් තිබෙන තැන් පෙන්වීම ඊට පහසු වනු ඇති බව මන්ත්රීවරයා කීවේය.
මේ අනුව ජනමතයට අනුව විපක්ෂයේ බලවත්ම පක්ෂය ලෙස සමගි ජන බලවේගය රජයට එරෙහි ඕනෑම බලවේගයක් සමග වැඩ කිරීමට නායකත්වය ලබා දෙන බව මන්ත්රීවරයා පැවැසුවේය.
ආණ්ඩුවට බනින ජනතාව මේ වන විට වැඩි වී ඇති බවත් සියලුම දෙනා එකතු කරගෙන නායකත්වය දීමට සමගි ජන බලවේගය ඉදිරියේදී කටයුතු කරන බව ඔහු කීවේය.
