අග‍්‍රාමාත්‍ය මහින්ද රාජපක්‍ෂ මහතා පසුගිය මැතිවරණයේදී මෙන්ම මෙවර මහ මැතිවරණයේදීත් කුරුණෑගල දිස්ත‍්‍රික්කය නියෝජනය කරමින් තරඟ කරන බව ශ්‍රී ලංකා පොදුජන පෙරමුණේ සභාපති මහාචාර්ය ජී.එල් පීරිස් මහතා පවසයි.
ඒ මහතා බත්තරමුල්ල,නෙළුම් මාවතේ පිහිටි ශ්‍රී ලංකා පොදුජන පෙරමුණේ ප්‍රධාන කාර්යාලයේ ඊයේ (27) මාධ්‍ය සාකච්ඡාවක් අමතමින් කියා සිටියේ මෙවර මහ මැතිවරණයෙන් තුනෙන් දෙකක විශිෂ්ඨ ජනවරමක් ලබා ශක්තිමත් පාර්ලිමේන්තුවක් පිහිටුවීමට වත්මන් රජයට හැකියාව ලැබෙනු ඇති බවයි.
එසේම මෙම වසරේ මාර්තු 2 න් පසුව පාර්ලිමේන්තුව විසුරුවා හැරීමේ නීතිමය බලය ආණ්ඩුක‍්‍රම ව්‍යවස්ථාවෙන් ජනාධිපතිවරයාට හිමිවන බවත් ඒ අනුව ජනාධිපතිවරයා ලද පළමු අවස්ථාවේදීම පාර්ලිමේන්තුව විසුරුවා හැර අප්‍රේල් මස අවසන් සතියේදී මහා මැතිවරණය පැවැත්වීමට ක‍්‍රියාකරනු ඇතැයි තමන් බළාපොරොත්තු වන බව හෙතෙම පැවසිය.
