පසුගිය වසරේ අවසාන භාගයේ දිවයිනට බලපෑ අයහපත් කාලගුණික තත්ත්වය සහ මෝටර් රථ ප්රවාහන දෙපාර්තමේන්තුවේ පරිගණක පද්ධතියේ ඇති වූ තාක්ෂණික දෝෂ සැලකිල්ලට ගනිමින්, රියදුරු බලපත්ර වලංගු කාලය තාවකාලිකව දීර්ඝ කිරීමට අදාළ නියෝගය පාර්ලිමේන්තුවට ඉදිරිපත් කිරීමට අමාත්ය මණ්ඩල අනුමැතිය හිමිව තිබේ.
2025 නොවැම්බර් 25 සිට දෙසැම්බර් 24 දක්වා කාලය තුළ කල් ඉකුත් වීමට නියමිතව තිබූ රියදුරු බලපත්ර සඳහා මෙම සහනය හිමි වේ.
ඒ අනුව එම බලපත්රවල වලංගු කාලය, කල් ඉකුත් වීමට නියමිත දිනයේ සිට තවත් මාසයක කාලයකින් දීර්ඝ කරමින් 2025 දෙසැම්බර් 17 වැනිදා නිකුත් කළ අති විශේෂ ගැසට් නිවේදනයට මෙලෙස නීතිමය ස්ථාවරත්වය ලබා දීමට නියමිතය.
ප්රවාහන, මහාමාර්ග සහ නාගරික සංවර්ධන අමාත්යවරයා විසින් ඉදිරිපත් කරන ලද මෙම යෝජනාව මගින් අපේක්ෂා කරන්නේ අයහපත් කාලගුණය සහ පද්ධති බිඳවැටීම් හමුවේ රියදුරු බලපත්ර අලුත් කර ගැනීමට නොහැකි වූ ජනතාවට සහනයක් සැලසීමයි. මෙම තීරණය මගින් මාර්ග භාවිත කරන්නන්ට සිදුවිය හැකි අසාධාරණ නීතිමය බලපෑම් වැළැක්වෙනු ඇති බව රජය පෙන්වා දෙයි. මෝටර් වාහන පනතට අනුව නිකුත් කර ඇති මෙම නියෝගය ඉදිරි පාර්ලිමේන්තු වාරයේදී ස්ථීර අනුමැතිය සඳහා ඉදිරිපත් කිරීමට නියමිතව ඇත.
