ශ්රී ලංකා අක්ෂිදාන සංගමය සිය 65 වසරක අසමසම සේවාව සනිටුහන් කරමින්, මේ දක්වා විදෙස් රටවල අක්ෂි බද්ධ කිරීමේ සැත්කම් සඳහා අක්ෂි පටල (Corneas) 100,000කට අධික ප්රමාණයක් පරිත්යාග කර ඇති බව නිල වශයෙන් ප්රකාශ කර තිබේ.
සංගමයේ නිලධාරියෙකු වන අයෝධ්ය සම්පත් ද සිල්වා මහතා මාධ්ය වෙත අදහස් දක්වමින් සඳහන් කළේ ඊජිප්තුව, ඉරානය, ලෙබනනය සහ පාකිස්ථානය ඇතුළු රටවල් රැසකට අක්ෂි පටල 101,483ක් ලබා දී ඇති බවයි.
දේශීය වශයෙන් රෝගීන් වෙනුවෙන් අක්ෂි පටල 65,546ක් ලබා දී ඇති අතර, මානව පටක බැංකුව මගින් වෛද්ය අවශ්යතා සඳහා පටක 19,887ක් සපයා ඇති බව ද හෙළි විය.
2026 වර්ෂය සඳහා සිය සේවා ජාලය තවදුරටත් පුළුල් කරමින් දිවයින පුරා ප්රජා වැඩසටහන් 100ක් මගින් නොමිලේ ඇසේ සුද ඉවත් කිරීමේ සැත්කම් 1,750ක් සිදු කිරීමට සංගමය සැලසුම් කර ඇත.
මීට අමතරව පෙනීමේ දුර්වලතා සහිත පුද්ගලයින් සඳහා නොමිලේ උපැස් යුවළ 30,000ක් බෙදා දීමට ද පියවර ගන්නා බව ඔහු වැඩිදුරටත් පැවසීය.
දොස්තර හඩ්සන් සිල්වා මහතා විසින් 1961 වසරේදී ආරම්භ කරන ලද මෙම උදාර පුණ්ය කර්මය, අද වන විට ශ්රී ලංකාව ලොව ප්රමුඛතම අක්ෂි පරිත්යාගශීලී රටක් බවට පත් කිරීමට සමත් වී තිබේ.
