විපක්ෂ නායක සජිත් ප්රේමදාස මහතා පවතින රජයේ ක්රියාකලාපයට එරෙහිව දැඩි විරෝධය පළ කරමින්, ජනතාව වෙනුවෙන් කළ හැකි උපරිම කැපකිරීම් සිදු කිරීමටත් රජයට එරෙහිව වීදි බැසීමටත් සූදානම් බව ප්රකාශ කර තිබේ.
මෑතකදී රජය විසින් සිදු කරන ලද විදුලි ගාස්තු ඉහළ නැංවීම, ඉන්ධන මිල සංශෝධන සහ බාල ගල්අඟුරු ආනයනය කිරීමේ ආන්දෝලනාත්මක තත්ත්වය හමුවේ ජනතාව දැඩි පීඩාවකට පත්ව ඇති බව පෙන්වා දෙන විපක්ෂ නායකවරයා, මෙම අත්තනෝමතික තීරණවලට එරෙහිව ජනතා බලවේගය ඒකරාශී කරන බව අවධාරණය කරයි. ඒ අනුව ඉදිරි කාලසීමාව තුළ රට පුරා දැවැන්ත මහජන උද්ඝෝෂණ සහ සම්මන්ත්රණ මාලාවක් සංවිධානය කිරීමට ද විපක්ෂය සැලසුම් කරමින් සිටී.
මෙමඟින් ආණ්ඩුවේ අසාර්ථක ආර්ථික කළමනාකරණය සහ දූෂණ ක්රියාවලීන් රට හමුවේ නිරාවරණය කිරීමටත්, පීඩාවට පත් පාරිභෝගික ජනතාවගේ අයිතිවාසිකම් වෙනුවෙන් පෙනී සිටීමටත් තමන් පසුබට නොවන බව සජිත් ප්රේමදාස මහතා වැඩිදුරටත් සඳහන් කරයි.
