සූරියවැව, නුගේකන්ද ප්රදේශයේදී ත්රීරෝද රථයක් ලොරි රථ දෙකක ගැටීමෙන් සිදු වූ බරපතළ රිය අනතුරකින් මෙහෙණින් වහන්සේලා තිදෙනෙකු තුවාල ලබා තිබේ.
අනතුරින් බරපතළ තුවාල ලැබූ මෙහෙණින් වහන්සේලා තිදෙනා මේ වන විට හම්බන්තොට මහ රෝහලට ඇතුළත් කර ඇති බව වාර්තා වේ. පොලීසිය සඳහන් කරන්නේ අතුරු මාර්ගයක සිට පැමිණි ත්රීරෝද රථය එකවරම ප්රධාන මාර්ගයට ඇතුළු කිරීමට යාමේදී ප්රධාන මාර්ගයේ ධාවනය වූ ලොරි රථයක ගැටී ඇති බවයි. ඉන් අනතුරුව එම ත්රීරෝද රථය මාර්ගය අසල නතර කර තිබූ තවත් කුඩා ලොරි රථයක ද ගැටී මෙම අනතුර සිදුව ඇත.
ත්රීරෝද රථ රියදුරාගේ අපරික්ෂාකාරී රිය ධාවනය මෙම අනතුරට හේතු වී ඇති බව පොලිස් පරීක්ෂණවලදී අනාවරණය වී තිබේ. අනතුරින් බරපතළ තුවාල ලැබූ ත්රීරෝද රථ රියදුරු ද මේ වන විට රෝහල්ගත කර ඇති අතර, සිද්ධිය සම්බන්ධයෙන් සූරියවැව පොලීසිය වැඩිදුර විමර්ශන පවත්වයි.
