දේශීය පොල් ආශ්රිත නිෂ්පාදන අපනයන ක්ෂේත්රය තවත් ශක්තිමත් කිරීම සහ අපනයනකරුවන්ට සහන ලබාදීම සඳහා බදු සංශෝධන හඳුන්වා දීමට රජයේ විශේෂ අවධානය යොමු වී ඇති බව වැවිලි හා ප්රජා යටිතල පහසුකම් අමාත්ය සමන්ත විද්යාරත්න මහතා පවසයි.
ඊයේ (30) පැවති විශේෂ සාකච්ඡාවකදී පොල් ආශ්රිත නිෂ්පාදන අපනයනකරුවන් දැනට මුහුණ දෙන ගැටලු පිළිබඳවත්, ඉදිරියේදී මුදල් අමාත්යාංශය මඟින් හඳුන්වා දීමට නියමිත නව ආනයන හා අපනයන බදු ප්රතිපත්ති පිළිබඳවත් දීර්ඝ වශයෙන් සාකච්ඡා වී තිබේ. මෙමඟින් අපනයන ක්ෂේත්රයේ පවතින බාධා අවම කර ජාත්යන්තර වෙළඳපොළ තුළ මෙරට නිෂ්පාදනවල තරගකාරීත්වය වැඩි කිරීමට අපේක්ෂිතය. රජය විසින් යෝජනා කර ඇති මෙම නව පියවර හරහා අපනයනකරුවන්ට වැඩි පහසුකම් සැලසෙන අතරම රටට ලැබෙන විදේශ විනිමය ආදායම ද ඉහළ යනු ඇතැයි විශ්වාස කෙරේ.
මෙම සාකච්ඡාව සඳහා හර්ෂණ සූරියප්පෙරුම මහතා, ගුණදාස අමරසිංහ මහතා සහ පොල් සංවර්ධන අධිකාරියේ සභාපති ශාන්ත රණතුංග මහතා ඇතුළු රාජ්ය නිලධාරීන් සහ අපනයනකරුවන් රැසක් සහභාගී වී සිටියහ.
