2026 වසරේ ඉන්ෆ්ලුවෙන්සා මෙන්ම ශ්වසන සමමුහුර්ත වෛරසය (RSV) යන දෙකම දකුණු අප්රිකාව තුළ අපේක්ෂිත කාලයට වඩා කලින් ව්යාප්ත වීමට පටන් ගෙන ඇති බව එරට බෝවන රෝග පිළිබඳ ජාතික ආයතනය (NICD) නිවේදනය කරයි. සාමාන්යයෙන් මැයි මාසය අවට ආරම්භ වන මෙම රෝගී තත්ත්වයන් මෙවර මාර්තු 09 වනදා සිටම ඉහළ යාම සෞඛ්ය අංශවල දැඩි අවධානයට ලක්ව තිබේ.
පීටර්මාරිට්ස්බර්ග් (Pietermaritzburg) ඇතුළු ප්රදේශ කිහිපයක පාසල් දරුවන් අතර රෝගය වේගයෙන් පැතිරීම නිසා ප්රධාන ක්රීඩා තරග සහ උත්සව රැසක් පසුගිය සතියේ අවලංගු කිරීමට සිදු විය. Hilton College සහ Wykeham Collegiate වැනි ප්රමුඛ පෙළේ පාසල් ද්විතීයික මට්ටමේ උත්සව සහ රග්බි තරග මෙලෙස නතර කර ඇත්තේ සිසුන් විශාල පිරිසක් රෝගාතුර වීම හේතුවෙනි.
ඉන්ෆ්ලුවෙන්සා එන්නත ලබා ගැනීම රෝගය වළක්වා ගැනීමට ඇති හොඳම මග බවත්, අප්රේල් පළමු සතියේ සිට ඔසුසල්වලින් එන්නත් ලබා ගත හැකි බවත් සෞඛ්ය බලධාරීහු පවසති. විශේෂයෙන් ගැබිණි මවුවරුන්, එච්.අයි.වී (HIV) ආසාදිතයන්, දියවැඩියාව වැනි නිදන්ගත රෝග ඇති අය, වයස අවුරුදු 65ට වැඩි වැඩිහිටියන් සහ අවුරුදු 2ට අඩු දරුවන් මෙම වෛරසයන්ගෙන් ආරක්ෂා වීමට වගබලා ගත යුතුය. නිතර දෑත් සේදීම සහ රෝග ලක්ෂණ ඇත්නම් නිවෙස්වල රැඳී සිටීම මගින් වෛරසය පැතිරීම පාලනය කළ හැකි බව NICD ආයතනය වැඩිදුරටත් අවධාරණය කරයි.
