පුත්තලම – ත්රීකුණාමලය ප්රධාන මාර්ගයේ 16 කණුව ප්රදේශයේදී සිදු වූ රිය අනතුරකින් 78 හැවිරිදි පුද්ගලයෙකු අවාසනාවන්ත ලෙස මියගොස් තිබේ. 2026 අප්රේල් 01 වන දින සවස් කාලයේදී අනුරාධපුර දෙසට ධාවනය වූ ලොරි රථයක්, එම දිශාවටම ගමන් කරමින් තිබූ පාපැදියක පිටුපසින් ගැටීමෙන් මෙම අනතුර සිදුව ඇත.
අනතුරින් බරපතළ තුවාල ලැබූ පාපැදිකරු වහාම අලුත්ගම රෝහලට ඇතුළත් කර ඇති අතර, පසුව වැඩිදුර ප්රතිකාර සඳහා පුත්තලම රෝහල වෙත මාරු කර යවා තිබේ. එහිදී ප්රතිකාර ලබමින් සිටියදී ඔහු මියගොස් ඇති බව සාලියවැව පොලිසිය තහවුරු කළේය. මෙලෙස මියගොස් ඇත්තේ තානායංගම ප්රදේශයේ පදිංචිව සිටි වයස අවුරුදු 78ක පියෙකු බව හඳුනාගෙන තිබේ.
අනතුරට සම්බන්ධ ලොරි රථයේ රියදුරු ද තුවාල ලබා පුත්තලම රෝහලේ ප්රතිකාර ලබමින් පසුවන අතර, රියදුරුගේ නොසැලකිලිමත් භාවය හෝ වාහනයේ වේගය පාලනය කර ගැනීමට නොහැකි වීම අනතුරට හේතුවී ඇති දැයි සාලියවැව පොලිසිය වැඩිදුර විමර්ශන පවත්වනු ලබයි. අධික වේගයෙන් ධාවනය වන වාහන පිළිබඳව දැඩි අවධානයෙන් පසුවන ලෙස පොලිසිය මාර්ග පරිශීලකයින්ගෙන් ඉල්ලා සිටියි.
