ජාත්යන්තර මූල්ය අරමුදලේ (IMF) පස්වන සහ සයවන සමාලෝචන ක්රියාවලියට සමගාමීව, එහි නියෝජ්ය අංශ ප්රධානී එවන් පැපජෝර්ජියෝ මහතා (Evan Papageorgiou) ඇතුළු ජ්යෙෂ්ඨ ආර්ථික විශේෂඥයන් පිරිසක් ඊයේ (02) පාර්ලිමේන්තුවේදී විශේෂ සාකච්ඡා කිහිපයකට එක්ව තිබෙනවා.
මෙහිදී කථානායක වෛද්ය ජගත් වික්රමරත්න මහතා සමඟ පැවති සාකච්ඡාවේදී, මෙරට ආර්ථිකය ගොඩනැගීම සඳහා ජාත්යන්තර මූල්ය අරමුදල ලබා දෙන අඛණ්ඩ සහයෝගය පිළිබඳව කථානායකවරයා සිය ස්තුතිය පළ කර සිටියා. තවද, වත්මන් දසවන පාර්ලිමේන්තුවේ පවතින සුවිශේෂී බහුතර බලය සහ සියලු පාර්ශව නියෝජනය වන පරිදි පවතින ව්යුහාත්මක ශක්තිය ගැන පෙන්වා දුන් ඒ මහතා, විස්තීර්ණ අරමුදල් පහසුකම (EFF) යටතේ වන වැඩසටහන් සාර්ථක කර ගැනීමට ශ්රී ලංකාව දැඩිව කැපවී සිටින බව අවධාරණය කළා. රාජ්ය මූල්ය විනිවිදභාවය, දූෂණ විරෝධී පියවර මෙන්ම පාර්ලිමේන්තු මන්ත්රීවරුන්ගේ ධාරිතාව වර්ධනය කිරීම වෙනුවෙන් ස්ථාපිත කිරීමට යෝජිත පාර්ලිමේන්තු අධ්යයන මධ්යස්ථානයට IMF සහාය ලබාගත හැකි ආකාරය පිළිබඳවද මෙහිදී අවධානය යොමු වුණා.
ශ්රී ලංකාව මේ වන විට පෙන්වන ශක්තිමත් ආර්ථික දියුණුව මෙහිදී ඇගයීමට ලක් කළ එවන් පැපජෝර්ජියෝ මහතා, නීති සම්පාදනයේදී සහ ප්රතිපත්ති නිරීක්ෂණයේදී පාර්ලිමේන්තුව සතු වගකීම අතිශය තීරණාත්මක බව පෙන්වා දුන්නා. මීට අමතරව, මැදපෙරදිග කලාපයේ පවතින ගැටුම්කාරී තත්ත්වයන් මෙරට ආර්ථිකයට සිදු කරන බලපෑම සහ ‘දිට්වා’ සුළි කුණාටුවෙන් පීඩාවට පත් ජනතාවට සහන සැලසීමේ ක්රියාවලිය පිළිබඳවද මෙහිදී දෙපාර්ශවය දීර්ඝව අදහස් හුවමාරු කරගෙන තිබෙනවා.
අනතුරුව නියෝජ්ය කථානායක වෛද්ය රිස්වි සාලි මහතාගේ ප්රධානත්වයෙන් පැවති පක්ෂ නායක රැස්වීමේදී රවී කරුණානායක, දිලිත් ජයවීර, ආචාර්ය එම්.එල්.ඒ.එම්. හිස්බුල්ලා සහ වෛද්ය රාමනාදන් අර්ච්චුනා යන පාර්ලිමේන්තු මන්ත්රීවරුන් අදහස් දක්වමින්, ගාස්තු ඉහළ දැමීම, උද්ධමනය පාලනය සහ බාහිරින් එල්ල වන ආර්ථික පීඩනයන් හමුවේ සාර්ව ආර්ථික ස්ථාවරත්වය රැකගැනීම සඳහා සිදුකළ යුතු තිරසාර ව්යුහාත්මක ප්රතිසංස්කරණවල අවශ්යතාවය පිළිබඳව පෙන්වා දුන්නා. නිල සාකච්ඡාවලින් අනතුරුව ජාත්යන්තර මූල්ය අරමුදලේ නියෝජිත පිරිස පාර්ලිමේන්තු සංකීර්ණයේ නිරීක්ෂණ චාරිකාවකටද එක්ව තිබෙනවා.
