ඕස්ට්රේලියාවේ වොලොන්ගොන් ප්රදේශයේදී විද්යුත් බයිසිකල් (e-bikes) සොරකම් කිරීමේ සිද්ධීන් දෙකකට සම්බන්ධ පුද්ගලයන් දෙදෙනෙකු අත්අඩංගුවට ගැනීමට එරට පොලිසිය සමත්ව තිබේ. පසුගිය අප්රේල් 07 සහ 08 දිනවලදී මෙම සොරකම් සිදුව ඇති බව වාර්තා වේ.
පළමු සොරකම පසුගිය අඟහරුවාදා ග්විනිවිල් (Gwynneville) ප්රදේශයේ අධ්යාපන ආයතනයකදී සිදුව ඇති අතර, දෙවන සොරකම ඊට පැය 24ක් ගත වීමටත් පෙර වොලොන්ගොන්හි අවන්හලක් ඉදිරිපිටදී සිදුව ඇත. වොලොන්ගොන් පොලිස් දිස්ත්රික්කයේ නිලධාරීන් විසින් සිදුකළ විමර්ශනයකින් අනතුරුව ඊයේ (අප්රේල් 08) පස්වරුවේ වයස අවුරුදු 20 සහ 29ක් වූ සැකකරුවන් දෙදෙනා අත්අඩංගුවට ගෙන තිබේ.
අත්අඩංගුවට ගත් 20 හැවිරිදි තරුණයාට ඇප ලබාදීම ප්රතික්ෂේප කර ඇති අතර ඔහු අද (අප්රේල් 09) අධිකරණයට ඉදිරිපත් කිරීමට නියමිතය. 29 හැවිරිදි අනෙක් සැකකරුට කොන්දේසි සහිත ඇප ලබා දී ඇති අතර ඔහු එළඹෙන මැයි මස 26 වනදා අධිකරණය හමුවේ පෙනී සිටිය යුතුය. සොරකම් කරන ලද බයිසිකල් දෙකම සොයා ගැනීමට පොලිසිය සමත් වී ඇති අතර ඒවා නැවත අයිතිකරුවන් වෙත භාර දී ඇත.
