ඉරානය විසින් මුලින්ම ඉදිරිපත් කරන ලද කරුණු 10කින් යුත් සාම යෝජනාවලිය අමෙරිකානු ජනාධිපති ඩොනල්ඩ් ට්රම්ප් විසින් මුළුමනින්ම ප්රතික්ෂේප කර ඇති බව ධවල මන්දිරය නිවේදනය කරයි. ධවල මන්දිර මාධ්ය ලේකම් කැරොලයින් ලීවිට් (Karoline Leavitt) ප්රකාශ කළේ එම මුල් යෝජනාවලිය කිසිසේත්ම පිළිගත නොහැකි එකක් වූ බැවින් ජනාධිපතිවරයා සහ ඔහුගේ සාකච්ඡා කණ්ඩායම එය “කුණු කූඩයට දැමූ” බවයි.
කෙසේ වෙතත්, වර්තමානය වන විට ඉරානය විසින් ඉදිරිපත් කර ඇති නව සංශෝධිත යෝජනා මාලාව සාකච්ඡා සඳහා පදනමක් කරගත හැකි මට්ටමක පවතින බව ඇය සඳහන් කළාය. මුල් යෝජනාවලිය ඉරානයේ අවශ්යතා පමණක් ඇතුළත් වූ “හිස් ලැයිස්තුවක්” වූ බවත්, ජනාධිපති ට්රම්ප් කිසිවිටෙකත් එවැනි කරුණු මත පදනම්ව ගිවිසුමකට එළඹෙන්නේ නැති බවත් ඇය අවධාරණය කළාය.
මේ වන විට අමෙරිකාව සහ ඉරානය අතර සති දෙකක සටන් විරාමයකට එකඟතාව පළ වී ඇති පසුබිමක, මෙම නව සාකච්ඡා රාමුව ඉදිරි සාම ක්රියාවලිය සඳහා වැදගත් වනු ඇති බව වාර්තා වේ. එහෙත්, මුල් යෝජනාවලිය සම්බන්ධයෙන් ට්රම්ප් පරිපාලනය අනුගමනය කළ දැඩි පිළිවෙත හරහා ඔවුන්ගේ ස්ථාවරය ඉතා පැහැදිලිව ප්රදර්ශනය කර තිබේ.
