ශ්රී ලංකාව අධ්යාපන ක්ෂේත්රයේ සුවිශේෂී ජයග්රහණයක් අත්පත් කරගනිමින් මෙරට සමස්ත සාක්ෂරතාව 2024 වසර වන විට 97.4% දක්වා ඉහළ ගොස් ඇති බව ජන ලේඛන හා සංඛ්යාලේඛන දෙපාර්තමේන්තුවේ නවතම දත්ත වාර්තා පෙන්වා දෙයි. 2012 වසරේදී 95.7%ක් ලෙස පැවති සාක්ෂරතාව මෙලෙස වර්ධනය වී තිබීම විශේෂත්වයකි. 1881 වසරෙන් පසුව ප්රථම වතාවට සාක්ෂරතාවයේ පවතින ස්ත්රී පුරුෂ පරතරය අවම මට්ටමකට පත්ව ඇති අතර ඒ අනුව පුරුෂ සාක්ෂරතාව 97.9%ක් වන විට කාන්තා සාක්ෂරතාව 97.0%ක් වැනි ඉහළ අගයක පවතියි.
මෙරට වේගවත් ඩිජිටල් පරිවර්තනය සනිටුහන් කරමින් ඩිජිටල් සාක්ෂරතාව 67.6%ක් දක්වා ඉහළ ගොස් ඇති අතර සමස්ත පරිගණක සාක්ෂරතාව 34.7%ක් ලෙස වාර්තා වේ. තරුණ පරපුර මෙන්ම ජ්යෙෂ්ඨ පුරවැසියන් ද තාක්ෂණය භාවිතයට හුරු වෙමින් සිටින බව මෙම වාර්තාව මගින් වැඩිදුරටත් පෙන්වා දෙයි. මෙම දත්තයන්ට අනුව, ශ්රී ලංකාව දකුණු ආසියානු කලාපයේ අධ්යාපනික සහ තාක්ෂණික සාක්ෂරතාව අතින් පෙරමුණේ පසුවන රාජ්යයක් ලෙස තවදුරටත් සිය ස්ථානය තහවුරු කරගෙන ඇත.
