අන්තර්ජාලය හරහා ළමුන් ආරක්ෂා කිරීම සඳහා වන යුරෝපා සංගමයේ (EU) වයස තහවුරු කිරීමේ පද්ධතිය (Age Verification System) මේ වන විට තාක්ෂණිකව සූදානම් බවත්, එය ඉතා ඉක්මනින් ක්රියාත්මක කරන බවත් යුරෝපා කොමිසමේ සභාපතිනී උර්සුලා වොන් ඩර් ලේයන් (Ursula von der Leyen) අද (15) ප්රකාශ කළාය. සබැඳි වේදිකාවලදී දරුවන් ආරක්ෂා නොකිරීමට මින් ඉදිරියට කිසිදු නිදහසට කරුණක් නොමැති බව ඇය අවධාරණය කළාය.
මෙම පද්ධතිය “Zero-knowledge proof” තාක්ෂණය මත පදනම් වූවක් වන අතර, එමඟින් සමාජ මාධ්ය පරිශීලකයින්ට තමන්ගේ පෞද්ගලික දත්ත අදාළ සමාජ මාධ්ය වේදිකාවන් සමඟ බෙදා නොගෙන තම වයස තහවුරු කිරීමට අවස්ථාව ලැබේ. පරිශීලකයින්ට විද්යුත් හැඳුනුම්පත් (Electronic ID) වැනි නිල ලේඛන භාවිතයෙන් මෙම යෙදුම (App) හරහා වයස තහවුරු කළ හැකි අතර, යෙදුම මඟින් වයස පිළිබඳ සහතිකයක් පමණක් සමාජ මාධ්ය වේදිකා වෙත ලබා දෙනු ඇත.
ප්රංශය, ස්පාඤ්ඤය සහ ඉතාලිය ඇතුළු සාමාජික රටවල් හතක් දැනටමත් මෙම පද්ධතිය තම ජාතික ඩිජිටල් අනන්යතා පද්ධතීන් සමඟ ඒකාබද්ධ කිරීමට සැලසුම් කර ඇති බව වොන් ඩර් ලේයන් වැඩිදුරටත් සඳහන් කළාය.
