ඇමෙරිකානු ෆෙඩරල් දඬුවම් නියම කිරීමේ කොමිසම (U.S. Sentencing Commission) විසින් සුදු කරපටි අපරාධකරුවන්ට (White-collar criminals) දඬුවම් නියම කිරීමේදී භාවිත කරන මාර්ගෝපදේශ උද්ධමනයට ගැළපෙන සේ සංශෝධනය කිරීමට ඊයේ (16) තීරණය කළේය. දශකයකට පසු සිදු කළ මෙම වෙනස හේතුවෙන් මූල්ය වංචා මඟින් සිදුවූ පාඩුව ගණනය කරන ආකාරය වෙනස් වන අතර, එමඟින් ඇතැම් විත්තිකරුවන්ට හිමිවන දඬුවම් කාලසීමාවන් අඩු වීමට ඉඩ පවතී.
මීට පෙර පවතින නීතිය යටතේ වංචා සහ සොරකම් සඳහා දඬුවම් නියම කිරීමේදී මූල්ය අලාභය ප්රධාන සාධකයක් ලෙස සලකා අධික දඬුවම් පැනවෙන බවට නීතිඥයන් සහ විද්වතුන් කාලයක සිට චෝදනා කළහ. නව සංශෝධනයට අනුව, වංචා කළ මුදල ගණනය කරන අවම සීමාව ඇමෙරිකානු ඩොලර් 6,500 සිට ඩොලර් 9,000 දක්වා ඉහළ නංවා ඇති අතර උපරිම සීමාව ඩොලර් මිලියන 550 සිට මිලියන 750 දක්වා ඉහළ දමා ඇත. මීට අමතරව, ජනාධිපති ඩොනල්ඩ් ට්රම්ප් විසින් පසුගිය වසරේ අත්සන් කරන ලද “HALT Fentanyl Act” නීතිය ක්රියාත්මක කිරීමට අවශ්ය දඬුවම් රාමුව ද මෙම නව සංශෝධනවලට ඇතුළත් වේ. මෙම නව නීති මාලාව මැයි 01 වැනිදා කොංග්රස් මණ්ඩලයට ඉදිරිපත් කිරීමට නියමිත අතර නොවැම්බර් 01 සිට බලාත්මක වනු ඇත.
