එප්පාවල පොලිස් වසමට අයත් ඇඳගල, නබඩවැව වැව තුළ තිබී ජීව අත්බෝම්බයක් හමු වූ බව එප්පාවල පොලීසිය අද (අප්රේල් 19) නිවේදනය කළේය. ඊයේ (අප්රේල් 18) පස්වරුවේ එම ප්රදේශයේ දිය නෑමට පැමිණි පුද්ගලයෙකු විසින් වැව තුළ තිබූ මෙම අත්බෝම්බය දැක ඒ පිළිබඳව වහාම පොලීසිය දැනුවත් කර තිබේ.
හමු වූ අත්බෝම්බය තරමක් මලකඩ කා ඇති ස්වභාවයක් ගන්නා අතර, කිසියම් පුද්ගලයෙකු ඇඳගල – බුල්නෑව මාර්ගයේ පිහිටි නබඩවැව පාලම මතින් මෙය වැවට විසි කරන්නට ඇතැයි පොලීසිය සැක පළ කරයි. අනතුරක් සිදුවීම වැළැක්වීම සඳහා අදාළ ස්ථානයට වහාම පොලිස් ආරක්ෂාව යොදවා ඇති අතර, මහජනතාවට එම ප්රදේශයට ඇතුළු වීම තාවකාලිකව තහනම් කර ඇත.
සිද්ධිය සම්බන්ධයෙන් තඹුත්තේගම මහේස්ත්රාත් අධිකරණයට කරුණු ඉදිරිපත් කිරීමට පොලීසිය පියවර ගෙන තිබේ. අධිකරණ නියෝග මත පොලිස් විශේෂ කාර්ය බලකායේ (STF) බෝම්බ නිෂේධන අංශය කැඳවා, එම ස්ථානයේදීම අත්බෝම්බය ආරක්ෂිතව පුපුරුවා හැරීමට නියමිත බව එප්පාවල පොලීසිය වැඩිදුරටත් සඳහන් කළේය. උත්සව සමයේ මෙවැනි පුපුරණ ද්රව්යයක් හමුවීම හේතුවෙන් ප්රදේශයේ ආරක්ෂක විමර්ශන දැඩි කර තිබේ.
