ලොව පැරණිතම සහ කීර්තිමත්ම වාර්ෂික මැරතන් තරගය වන ‘බොස්ටන් මැරතන්’ (Boston Marathon) තරගයේ 130 වැනි අදියර අද (අප්රේල් 20) අමෙරිකාවේ මැසචුසෙට්ස් ප්රාන්තයේදී ආරම්භ වේ. මෙවර තරගය සඳහා ශ්රී ලංකාව නියෝජනය කරමින් සහභාගී වන්නේ 55 හැවිරිදි ප්රවීණ මැරතන් ශූර ගාමිණී සුගතදාස මහතායි.
තරග අංශය: ඔහු මෙවර තරග වදින්නේ අවුරුදු 55-59 වයස් කාණ්ඩය යටතේය. එම කාණ්ඩය යටතේ පමණක් තරගකරුවන් 3,800කට අධික පිරිසක් සහභාගී වේ.
ජාත්යන්තර දස්කම්: ගාමිණී සුගතදාස මහතා පසුගිය 2025 වසරේ පැවැති නිව්යෝර්ක් මැරතන් (New York City Marathon) තරගයේදී 55-59 වයස් කාණ්ඩයෙන් තෙවන ස්ථානය (ලෝකඩ පදක්කම) දිනා ගැනීමට සමත් වූවෙකි. එහිදී ඔහු පැය 2කුත් විනාඩි 42ක දක්ෂතාවයක් දක්වා තිබුණි.
බොස්ටන් මැරතන් 2026: වසර 130ක ඉතිහාසයක් ඇති මෙම තරගයට මෙවර රටවල් 130කට අධික සංඛ්යාවකින් ක්රීඩක ක්රීඩිකාවන් 30,000ක් පමණ එක්ව සිටිති. තරගය අද උදෑසන (ඇමරිකානු වේලාවෙන්) හොප්කින්ටන් (Hopkinton) සිට ආරම්භ වී බොස්ටන් නුවරින් අවසන් වීමට නියමිතය.
වර්තමානයේ ඇමරිකාවේ ලාස් වේගාස් හි පදිංචිව සිටින ගාමිණී සුගතදාස මහතා, ජාත්යන්තර මැරතන් ක්ෂේත්රයේ ශ්රී ලංකාව වෙනුවෙන් විශාල කීර්තියක් අත්කර දුන් ක්රීඩකයෙකි.
