ඉරාන ධජය සහිත භාණ්ඩ ප්රවාහන නෞකාවක් ඇමෙරිකානු හමුදාව විසින් බලහත්කාරයෙන් තම භාරයට ගැනීම සම්බන්ධයෙන් චීනය සිය දැඩි අවධානය සහ කනස්සල්ල අද (අප්රේල් 20) ප්රකාශ කළේය. පවතින සටන් විරාම ගිවිසුමට වගකීම් සහගත ලෙස ගරු කරන ලෙස චීන විදේශ අමාත්යාංශය සියලු පාර්ශවයන්ගෙන් ඉල්ලා සිටී.
හෝමුස් සමුද්ර සන්ධියේ (Strait of Hormuz) පවතින තත්ත්වය ඉතා සංවේදී සහ සංකීර්ණ බව පෙන්වා දුන් ප්රකාශකයා, ගැටුම් තවදුරටත් උත්සන්න කිරීමෙන් වැළකී සාමාන්ය නාවික ගමනාගමනය සඳහා අවශ්ය පසුබිම සකස් කළ යුතු බව අවධාරණය කළේය. සාමය සඳහා අවස්ථාවක් උදාවී ඇති මෙවන් මොහොතක, හැකි ඉක්මනින් යුද්ධය අවසන් කිරීමට හිතකර තත්ත්වයන් නිර්මාණය කළ යුතු බව ද චීනය පවසයි.
ඉරාන වරායන් අවහිර කරමින් ඇමෙරිකාව පනවා ඇති සම්බාධක නොතකා යාත්රා කිරීමට උත්සාහ කළ “ටූස්කා” (Touska) නමැති ඉරාන නෞකාවට වෙඩි තබා එය තම භාරයට ගත් බව ඇමෙරිකාව මීට පෙර තහවුරු කළේය. කෙසේ වෙතත්, මෙම නෞකාව චීනයේ සිට පැමිණෙමින් තිබූ එකක් බවත්, ඇමෙරිකාවේ මෙම ක්රියාව “සන්නද්ධ කොල්ලකෑමක්” (Armed Piracy) බවත් පවසන ඉරාන හමුදාව, ඒ සඳහා ප්රතිප්රහාර දෙන බවට ප්රතිඥා දී තිබේ.
