කටුනායක ගුවන්තොටුපොළේදී ශ්රී ලංකා රගර් සම්මේලනයේ නිලධාරීන් විසින් මෙම කණ්ඩායම උණුසුම් ලෙස පිළිගනු ලැබීය. මෙම සංචාරයේදී නවසීලන්ත කණ්ඩායම ශ්රී ලංකා ජාතික රගර් කණ්ඩායම සමඟ ප්රදර්ශනාත්මක රගර් තරග දෙකකට සහභාගී වීමට නියමිතය.
පළමු තරගය එළඹෙන අප්රේල් 25 වැනිදා කොළඹ තුරඟ තරග පිටියේදී (Racecourse) පැවැත්වෙන අතර දෙවන තරගය මැයි මස 03 වැනිදා මහනුවර නිත්තවෙල ක්රීඩාංගණයේදී පැවැත්වීමට කටයුතු යොදා ඇත. ලොව රගර් ක්රීඩාවේ දැවැන්තයෙකු වන නවසීලන්ත කණ්ඩායමක් මෙලෙස මෙරටට පැමිණීම ශ්රී ලංකාවේ රගර් ක්රීඩාවේ උන්නතියට මෙන්ම ක්රීඩා සංචාරක කර්මාන්තයට ද මහත් පිටුවහලක් වනු ඇතැයි අපේක්ෂා කෙරේ.
