ඊජිප්තුවේ ඔක්සිරින්චස් (Oxyrhynchus) පුරාණ නගරයේ සිදුකළ කැණීම්වලදී, මමියක් ඔතා තිබූ වෙළුම් පටි අතර සඟවා තිබූ සුප්රසිද්ධ ග්රීක කවි හෝමර්ගේ ‘ඉලියඩ්’ (Iliad) කාව්යයට අයත් දුර්ලභ කොටසක් සොයා ගැනීමට පුරාවිද්යාඥයන් සමත්ව තිබේ. ස්පාඤ්ඤ සහ ඊජිප්තු විශේෂඥ කණ්ඩායමක් විසින් සිදුකළ මෙම සොයා ගැනීම ඓතිහාසික සාහිත්යය සහ පුරාණ අවමංගල්ය චාරිත්ර පිළිබඳ අලුත් තොරතුරු රැසක් අනාවරණය කරයි.
කයිරෝ නුවරින් කිලෝමීටර් 190ක් පමණ දකුණින් පිහිටි අල් බහ්නාසා (Al Bahnasa) ප්රදේශයේ “65 වැනි සොහොන් ගැබ” (Tomb 65) තුළ තිබී මෙම කොටස හමු වී ඇත. බාර්සිලෝනා විශ්වවිද්යාලය සහ පුරාණ පෙරදිග ආයතනය එක්ව සිදුකළ මෙම ගවේෂණයේදී, පුරාණ කාලයේ සොරුන් විසින් කොල්ලකන ලද සොහොන් ගැබක තිබී මෙම වටිනා ශේෂයන් සොයා ගැනීමට හැකි විය.
රෝම පාලන සමයේ ඊජිප්තුව තුළ ග්රීක සාහිත්යය ව්යාප්ත වී තිබූ ආකාරය සහ අවමංගල්ය කටයුතුවලදී පරණ ලේඛන නැවත භාවිත කළ ආකාරය (reuse) මෙමගින් මනාව පැහැදිලි වේ. මෙහි තිබූ මමි ඉතා වර්ණවත් ජ්යාමිතික රටාවලින් යුත් වෙළුම් පටිවලින් ඔතා තිබූ අතර, රන් ආලේපිත තහඩු සහ තඹ වස්තූන් කිහිපයක් ද එහි තිබී හමු වී තිබේ.
