තායිවාන ජනාධිපති ලායි චිං-ටේ (Lai Ching-te) ගමන් කිරීමට නියමිතව තිබූ ගුවන් යානයට සිය ගුවන් සීමාවන් භාවිත කිරීමට අවසර ලබා නොදුන් අප්රිකානු රටවල් කිහිපයකට චීන රජය අද (අප්රේල් 22) සිය ප්රශංසාව පුද කළේය. “එක් චීනයක්” (One China) යන ප්රතිපත්තිය ජාත්යන්තර සබඳතාවල සම්මතය බව මෙහිදී චීනය අවධාරණය කර ඇත.
සීෂෙල්ස්, මුරුසිය සහ මැඩගස්කරය යන රටවල් සිය ගුවන් සීමාවන් හරහා පියාසර කිරීමට ලබා දී තිබූ අවසරය අවලංගු කළ බවට තායිවානය චීනයට චෝදනා කරයි. මෙම බාධාවන් හේතුවෙන් එස්වාටිනි (Eswatini) රාජ්යය වෙත යාමට සැලසුම් කර තිබූ සිය නිල සංචාරය අවලංගු කිරීමට තායිවාන ජනාධිපතිවරයාට ඊයේ තීරණය කිරීමට සිදු විය.
බීජිං නුවර පැවති මාධ්ය හමුවකදී චීන තායිවාන කටයුතු පිළිබඳ කාර්යාලය ප්රකාශ කළේ අදාළ රටවල් චීනයේ ස්වෛරීභාවයට ගරු කරමින් ගනු ලැබූ එම ක්රියාමාර්ගය අගය කරන බවයි. මෙම සිදුවීම චීනය සහ තායිවානය අතර පවතින රාජ්යතාන්ත්රික ගැටුම තවදුරටත් තීව්ර කරන්නක් බව දේශපාලන විශ්ලේෂකයෝ පවසති.
