ලොව ප්රමුඛතම රූපලාවන්ය නිෂ්පාදන සමාගමක් වන ප්රංශයේ L’Oreal සමාගම, සිය පළමු කාර්තුව සඳහා 6.7% ක ශක්තිමත් අලෙවි වර්ධනයක් වාර්තා කිරීමත් සමඟ ඔවුන්ගේ කොටස් මිල අද (23) 5% කින් පමණ ඉහළ ගොස් තිබේ. මෙය පසුගිය වසර දෙකක කාලය තුළ සමාගම වාර්තා කළ වේගවත්ම කාර්තුමය වර්ධනය ලෙස සැලකේ.
මැදපෙරදිග පවතින යුදමය වාතාවරණය හමුවේ පාරිභෝගික විශ්වාසය පිළිබඳ යම් අවිශ්වාසයක් පැවතියද, ඇමරිකාව, චීනය සහ යුරෝපය යන කලාපවල පාරිභෝගිකයන් L’Oreal සන්නාමයේ සුවඳ විලවුන් සහ හිසකෙස් සත්කාරක නිෂ්පාදන (Premium hair products) සඳහා වැඩි උනන්දුවක් දක්වා ඇති බව සමාගම පවසයි. මෙම සාර්ථකත්වය මත පදනම්ව, පවතින ගෝලීය අභියෝග මධ්යයේ වුවද වසරේ ඉදිරි කාලය පිළිබඳව සුබවාදී බලාපොරොත්තු තබාගත හැකි බව L’Oreal සමූහය වැඩිදුරටත් සඳහන් කළේය.
