දීර්ඝ කාලයක් තිස්සේ පිරිසිදු පානීය ජලය නොමැතිව පීඩා විඳි ඇටිකෙහෙල්ගල්ල ග්රාම සේවා වසමේ ජනතාවගේ ජල ගැටළුවට විසඳුම් ලබා දීමේ මූලික කටයුතු ඊයේ (අප්රේල් 22) ආරම්භ කරන ලදී. ජල නල පද්ධතියක් හරහා ක්රියාත්මක කෙරෙන මෙම ව්යාපෘතිය මගින් එම ප්රදේශයේ පවුල් 2000කට පමණ සෙත සැලසෙනු ඇත.
ප්රදේශවාසීන් පවසන පරිදි වසර ගණනාවක සිට සිය ජල ගැටළුව පිළිබඳව පසුගිය රජයන් දැනුවත් කළ ද, ඊට නිසි විසඳුමක් මෙතෙක් ලැබී නොතිබුණි. ගම්පහ දිස්ත්රික් සම්බන්ධීකරණ කමිටුවේ අනුමැතිය මත මහර ප්රාදේශීය සම්බන්ධීකරණ කමිටුවේ සෘජු මැදිහත් වීමෙන් මෙම ව්යාපෘතිය සඳහා ප්රතිපාදන සහ පහසුකම් සලසා දී තිබේ. මේ හරහා ප්රදේශයේ පවතින ජල අර්බුදයට ස්ථිරසාර විසඳුමක් ලැබෙනු ඇතැයි ජනතාව බලාපොරොත්තු වෙති.
