නෞකා නිෂ්පාදනය සම්බන්ධයෙන් පෙන්ටගනයේ ජ්යෙෂ්ඨ නායකත්වය සමඟ ඇති වූ ගැටුම් හේතුවෙන් නාවික හමුදා ලේකම් ජෝන් ෆෙලන් (John Phelan) ධුරයෙන් ඉවත් කළ බව අමෙරිකානු ජනාධිපති ඩොනල්ඩ් ට්රම්ප් ඊයේ (අප්රේල් 23) තහවුරු කළේය. ට්රම්ප් ජනාධිපතිවරයා නැවත බලයට පත්වීමෙන් පසු ඔහු විසින් පත් කරන ලද ලේකම්වරයෙකු මෙලෙස ධුරයෙන් ඉවත් කළ පළමු අවස්ථාව මෙය වේ.
නව යුද නෞකා නිෂ්පාදනය සහ මිලදී ගැනීමේ ක්රියාවලියේදී පෙන්ටගනයේ සෙසු නිලධාරීන් සමඟ ෆෙලන් එකඟතාවයකට නොපැමිණීම මෙයට ප්රධාන හේතුව බව ජනාධිපතිවරයා සඳහන් කළේය. විශේෂයෙන්ම යුදමය වාතාවරණයක් පවතින අවස්ථාවක හමුදා නායකත්වය අතර මනා සහයෝගිතාවක් තිබිය යුතු බව ට්රම්ප් අවධාරණය කළේය.
නෞකා නිෂ්පාදනය වේගවත් කිරීම සඳහා අවශ්ය ප්රතිසංස්කරණ ක්රියාත්මක කිරීමට ඔහු ප්රමාද වීම සහ පෙන්ටගනයේ ඉහළ නිලධාරීන් සමඟ පෞද්ගලිකව අමනාපකම් ඇති කර ගැනීම ද මෙම ඉවත් කිරීමට බලපා ඇති බව වාර්තා වේ. ඉරානය සමඟ පවතින දැඩි නොසන්සුන්කාරී තත්ත්වය හමුවේ අමෙරිකාව මැදපෙරදිග කලාපයට වැඩි වශයෙන් නාවික බලඇණි යොමු කරමින් සිටින මොහොතක මෙම වෙනස් කිරීම සිදුවීම විශේෂත්වයකි. කෝටිපති ව්යාපාරිකයෙකු වන ෆෙලන්, ට්රම්ප් ජනාධිපතිවරයාගේ සමීපතමයෙකු ලෙස ද සැලකේ.
