මැදපෙරදිග කලාපයේ පවතින උණුසුම් යුද වාතාවරණය හේතුවෙන් පැනමා ඇළ හරහා ගමන් කරන නෞකා සංඛ්යාවේ කැපී පෙනෙන වර්ධනයක් සිදුව ඇති බව පැනමා ඇළ අධිකාරිය පවසයි. විශේෂයෙන්ම ඇමරිකා – ඉරාන යුද්ධය හේතුවෙන් පවතින අවදානම් තත්ත්වය හමුවේ ලොව ප්රධාන පෙළේ නෞකා මෙහෙයුම්කරුවන් සිය ආරක්ෂිත ගමන් මාර්ගය ලෙස පැනමා ඇළ තෝරාගෙන තිබේ.
පැනමා ඇළ අධිකාරියේ මූල්ය ප්රධානී වික්ටර් වියල් සඳහන් කළේ පසුගිය ඔක්තෝබර් මාසයේ සිට මේ දක්වා කාලය තුළ පමණක් අමතර නෞකා 300ක් පමණ ඇළ හරහා ගමන් කර ඇති බවයි. මැදපෙරදිග ගැටුම් නිරාකරණය වන තෙක් මෙම තත්ත්වය තවදුරටත් පවතිනු ඇති බවට පුරෝකථනය කර ඇති අතර ගෝලීය සමුද්රීය වෙළඳාමේ මධ්යස්ථානයක් ලෙස පැනමා ඇළ සතු වැදගත්කම මෙයින් යළිත් තහවුරු වේ.
