නාගරික සංවර්ධන අධිකාරිය (UDA) සතු භාවිතයට නොගත් ඉඩම් වඩාත් ඵලදායී සංවර්ධන කටයුතු සඳහා යොදාගැනීමේ අරමුණින්, කොළඹ 10 මරදාන පාරේ පිහිටි ඉඩම් කොටසක් සංවර්ධනය කිරීමට අමාත්ය මණ්ඩල අනුමැතිය හිමිව තිබේ. අක්කර 01 රූඩ් 01 පර්චස් 12.4ක වපසරියකින් යුත් මෙම ඉඩම තොරතුරු තාක්ෂණය ආශ්රිත නව නිපැයුම් පදනම් කරගත් මිශ්ර සංවර්ධන ව්යාපෘතියක් ලෙස ස්ථාපිත කිරීමට නිර්දේශ කර ඇත. 2025 අප්රේල් මස පත් කරන ලද විශේෂ කමිටුවක නිර්දේශ මත මෙම ආයෝජන යෝජනා කැඳවීම සිදු කෙරේ.
ප්රවාහන, මහාමාර්ග සහ නාගරික සංවර්ධන අමාත්යවරයා ඉදිරිපත් කළ මෙම යෝජනාව මගින් අපේක්ෂා කරන්නේ ශ්රී ලාංකීය තාක්ෂණ විද්යාඥයන් වෙනුවෙන් දේශීය වෙළෙඳපොළ ඉලක්ක කරගත් බුද්ධිමය තාක්ෂණික නිමැවුම් සහ සේවා නිෂ්පාදන මධ්යස්ථානයක් බිහි කිරීමයි. ඒ අනුව, මෙම ව්යාපෘතිය සඳහා උනන්දුවක් දක්වන ආයෝජකයන්ගෙන් යෝජනා කැඳවීමට රජය තීරණය කර ඇත. මෙම පියවර හරහා නාගරික ඉඩම් නිසි කළමනාකරණයකට ලක් කරමින් තාක්ෂණික අංශයේ වර්ධනයට අවශ්ය යටිතල පහසුකම් සැපයීම රජයේ මූලික අරමුණ වී තිබේ.
