රාජ්ය මුදල් අවභාවිත කිරීම සම්බන්ධයෙන් හිටපු ජනාධිපති රනිල් වික්රමසිංහ සහ හිටපු ජනාධිපති ලේකම් සමන් ඒකනායක යන මහත්වරුන්ට එරෙහිව පවතින පැමිණිල්ලට අදාළ පරීක්ෂණවල ප්රගතිය ජුලි මස 8 වනදා අධිකරණයට දැනුම් දෙන ලෙස කොළඹ කොටුව මහෙස්ත්රාත් අධිකරණය අද (29) අපරාධ පරීක්ෂණ දෙපාර්තමේන්තුවට නියෝග කළේය. අතිරේක සොලිසිටර් ජනරාල් දිලීප පීරිස් මහතා අධිකරණය හමුවේ කරුණු දක්වමින් ප්රකාශ කළේ අදාළ දිනයට පෙර සැකකරුවන්ට එරෙහිව අධි චෝදනා ගොනු කිරීමට අවශ්ය පියවර ගන්නා බවයි.
මීට අමතරව මෙම නඩුවේ සැකකාරියක ලෙස හිටපු ජනාධිපතිවරයාගේ බිරිඳ වන මෛත්රී වික්රමසිංහ මහත්මිය නම් කරන්නේද යන්න පිළිබඳව මේ වන විට අධ්යයනය කරමින් පවතින බව ද අතිරේක සොලිසිටර් ජනරාල්වරයා වැඩිදුරටත් අධිකරණයට දැනුම් දුන්නේය. රාජ්ය දේපළ හා මුදල් අවභාවිතය සම්බන්ධයෙන් එල්ල වී ඇති මෙම චෝදනා පිළිබඳව අපරාධ පරීක්ෂණ දෙපාර්තමේන්තුව පුළුල් විමර්ශනයක් සිදු කරමින් පවතියි.
