මුදල් අමාත්යාංශ ලේකම් හර්ෂණ සූරියප්පෙරුම හෙට දින පාර්ලිමේන්තු මුදල් කමිටුව (COPF) වෙත නොපැමිණෙන බව ලිඛිතව දන්වා ඇති අතර, ඔහු එලෙස නොපැමිණෙන්නේ නම් ඔහුට එරෙහිව දඬුවම් කිරීමට කමිටු සභාපතිවරයාට බලය ඇති බව හිටපු ආණ්ඩුකාර රජිත් කීර්ති තෙන්නකෝන් මහතා පවසයි. ‘ෆී ලෝයර්ස්’ සංවිධානය වෙනුවෙන් නිවේදනයක් නිකුත් කරමින් ඔහු මේ බව සඳහන් කර ඇත.
මුදල් කමිටුව පිහිටුවා ඇත්තේ 2022 වසරේ සම්මත කළ පාර්ලිමේන්තු ස්ථාවර නියෝග 121 යටතේ වන අතර, එය උල්ලංඝනය කරන්නන්ට 1953 අංක 21 දරන පාර්ලිමේන්තු බලතල හා වරප්රසාද පනත යටතේ දඬුවම් කළ හැකිය. කමිටුවක් වෙත කැඳවූ අයෙකු නොපැමිණීම පාර්ලිමේන්තුව හෝ ශ්රේෂ්ඨාධිකරණය මගින් දඬුවම් කළ යුතු වරදකි. ඒ අනුව ශ්රේෂ්ඨාධිකරණය මගින් වසර දෙකක් නොඉක්මවන කාලයකට බන්ධනාගාර ගත කිරීම, දඩයක් නියම කිරීම හෝ මෙම දඬුවම් දෙකම ලබා දීමේ ප්රතිපාදන පවතින බව ඔහු පෙන්වා දෙයි.
මුදල් ලේකම්වරයා කමිටුවට සහභාගී නොකිරීමට ආණ්ඩුව ගත් තීරණය මගින් වංචා හා දූෂණ විරෝධී ක්රියාවලියේ ‘සුජාත භාවය’ අහිමි වන බව පවසන තෙන්නකෝන් මහතා, පාර්ලිමේන්තුවේ ගෞරවය රැක ගැනීම සඳහා කමිටු සභාපති හර්ෂ ද සිල්වා මහතා නිසි පියවර ගත යුතු බව ද අවධාරණය කරයි.
