ඇමෙරිකානු රජයේ සහ ෆෙඩරල් විමර්ශන කාර්යාංශයේ (FBI) දැඩි අවධානය යොමු වී ඇති විද්යාඥයින් පිරිසකගේ අතුරුදහන් වීම් සහ ඩොනල්ඩ් ට්රම්ප් විසින් රහසිගත UFO ලේඛන ප්රකාශයට පත් කරන බවට කළ නිවේදනය වටා දැඩි ආන්දෝලනාත්මක තත්ත්වයක් නිර්මාණය වී තිබේ.
මෙම සිදුවීම් මාලාවේ කේන්ද්රස්ථානය වී ඇත්තේ විශ්රාමික ගුවන් හමුදා ජෙනරාල්වරයෙකු වන 68 හැවිරිදි විලියම් නීල් මැකාස්ලන්ඩ්ගේ අතුරුදහන් වීමයි. පසුගිය පෙබරවාරි 27 වැනිදා නිව් මෙක්සිකෝවේ පිහිටි සිය නිවසින් ඔහු අතුරුදහන් වූ අතර ජංගම දුරකථනය සහ අත් ඔරලෝසුව වැනි පෞද්ගලික දෑ නිවසේ දමා ගොස් තිබුණද ඔහුගේ රිවෝල්වරය අතුරුදහන්ව තිබුණි. දැවැන්ත සෝදිසි මෙහෙයුම් දියත් කළද ඔහු පිළිබඳ කිසිදු තොරතුරක් මෙතෙක් සොයා ගැනීමට හැකි වී නැත.
මැකාස්ලන්ඩ්ගේ අතුරුදහන් වීම UFO ලෝලීන් අතර විශාල කැළඹීමක් ඇති කර ඇත්තේ ඔහු මීට පෙර ගුවන් හමුදා පර්යේෂණාගාරයේ (AFRL) අණදෙන නිලධාරියා ලෙස කටයුතු කර තිබීම හේතුවෙනි. පහත කරුණු පිළිබඳව කුමන්ත්රණ න්යායවාදීන්ගේ අවධානය යොමු වී තිබේ:
1947 වසරේ රොස්වෙල් හිදී කඩා වැටුණු UFO යානයේ සුන්බුන් මෙම පර්යේෂණාගාරයට ගෙන ආ බවට පවතින මතය. මැකාස්ලන්ඩ් මෙම UFO රහස් පිළිබඳව දැන සිටීම නිසා ඔහුව නිහඬ කිරීමට මෙලෙස පැහැරගෙන ඇති බවට කෙරෙන චෝදනා. පිටසක්වල ජීවීන් ඔහුව මව් යානයකට රැගෙන යන්නට ඇති බවට පළවන විවිධ මත.
කෙසේ වෙතත් මැකාස්ලන්ඩ්ගේ බිරිඳ මෙම කුමන්ත්රණ න්යායන් උපහාසයට ලක් කරමින් සිය ෆේස්බුක් ගිණුමේ සටහනක් තබා තිබේ. මෙම අතුරුදහන් වීම් සහ රහසිගත UFO ලේඛන හෙළිදරව් කරන බවට ට්රම්ප් කළ ප්රකාශය අතර පවතින සබඳතාවය පිළිබඳව විමර්ශන අංශ තවදුරටත් අවධානය යොමු කරමින් සිටී.
