ශ්රී ලංකාවේ වර්තමාන බස් ප්රවාහන සේවය “වැටකොළු මැස්සක” ස්වභාවයට සමාන කරමින්, පවතින අවිධිමත් සහ අසංවිධානාත්මක තත්ත්වය සම්පූර්ණයෙන්ම වෙනස් කිරීමට රජය තීරණය කර තිබේ. ජනතාවට වඩාත් ගෞරවනීය, ආරක්ෂිත සහ විශ්වාසනීය පොදු ප්රවාහන සේවාවක් ලබාදීම මෙම වැඩපිළිවෙළේ ප්රධාන අරමුණයි.
මෙම නව ප්රතිසංස්කරණ යටතේ බස් රථ අතර පවතින අනවශ්ය තරගය අවසන් කර විධිමත් ධාවන කාලසටහනක් ස්ථාපිත කිරීමට නියමිත අතර මගීන්ට බස් රථ පැමිණෙන වේලාවන් සහ ස්ථාන නිවැරදිව දැනගත හැකි GPS තාක්ෂණය මත පදනම් වූ ඩිජිටල් පද්ධතියක් ද හඳුන්වා දීමට සැලසුම් කර ඇත. මීට අමතරව, මුදල් භාවිතයෙන් තොරව ගෙවීම් කළ හැකි විද්යුත් ප්රවේශ පත්ර ක්රමවේදයක් (E-ticketing) හරහා මගී පහසුව තවදුරටත් ඉහළ නැංවීමට රජය අපේක්ෂා කරයි.
පෞද්ගලික සහ ලංගම බස් රථ යන දෙඅංශයම එකම ප්රමිතියකට අනුව ධාවනය කරවීම හරහා මගීන්ට වඩාත් විධිමත් සේවාවක් සැපයීමට බලාපොරොත්තු වන බව ද රජය වැඩිදුරටත් සඳහන් කරයි.
