ශ්රී ලංකා පරිපාලන සේවයේ ජ්යෙෂ්ඨ නිලධාරීන්ගේ සහභාගිත්වයෙන් පැවැත්වෙන හිටපු අමාත්යාංශ ලේකම්වරුන්ගේ සංගමයේ 10 වන වාර්ෂික සමුළුව පසුගියදා කොළඹ Waters Edge හෝටලයේදී උත්කර්ෂවත් අන්දමින් පැවැත්විණි. හිටපු ජනාධිපති ලේකම්වරුන් ඇතුළු විශ්රාමික ලේකම්වරුන් 75 දෙනෙකු පමණ මෙම අවස්ථාවට එක්ව සිටියහ.
මෙහිදී ඉදිරි වසර සඳහා සංගමයේ නව නිලධාරී මණ්ඩලය තෝරා පත් කරගත් අතර, එහි සභාපතිවරයා ලෙස හිටපු අමාත්යාංශ ලේකම් ඩබ්ලිව්.බී. ගනේගල මහතා පත් විය. සංගමයේ ලේකම් ලෙස නිමල් හෙට්ටිආරච්චි මහතා පත් වූ අතර, භාණ්ඩාගාරික ධූරය සඳහා හිටපු ලේකම් ආර්.ඒ.කේ. රණවක මහතා තෝරා පත් කර ගැනුණි.
මෙම සමුළුවේදී සමාජයීය වශයෙන් වැදගත් යෝජනා කිහිපයක් සම්මත කරගත් අතර, විශ්රාමික ලේකම්වරුන් සතු දීර්ඝකාලීන පළපුරුද්ද සහ අත්දැකීම් රටේ පොදු යහපත උදෙසා යෙදවීම ඉන් ප්රධාන වේ. මීට අමතරව යහපාලනය ප්රවර්ධනය කිරීමට සහාය වීම, ජාතික ආපදාවලදී පීඩාවට පත් පාර්ශ්වයන්ට උපකාර කිරීම සහ සාමාජික පවුල්වල දායකත්වය ඇතිව සමාජ සුබසාධන කටයුතු සංවිධානය කිරීම කෙරෙහි ද මෙහිදී විශේෂ අවධානයක් යොමු කෙරිණි.
