චීනයේ පැවැති 6 වන ආසියානු වෙරළ ක්රීඩා තරගාවලියේදී මල්ලවපොර ඉසව්වෙන් රන් පදක්කම දිනාගනිමින් ශ්රී ලංකාවට අභිමානයක් එක්කළ ශ්රී ලංකා ගුවන් හමුදාවේ නිපුනි වාසනා ධර්මදාස ක්රීඩිකාව ඇතුළු කණ්ඩායම අද දිවයිනට පැමිණියහ. කිලෝග්රෑම් 50 බර පන්තිය යටතේ තරග වැදුණු ඇය, අවසන් මහා තරගයේදී වියට්නාම ක්රීඩිකාව පරාජය කරමින් මෙම විශිෂ්ට ජයග්රහණය වාර්තා කළාය. මෙය 2026 වර්ෂයේ පැවැත්වෙන ආසියානු වෙරළ ක්රීඩා තරගාවලියේදී ශ්රී ලංකාව දිනාගත් ප්රථම රන් පදක්කම ලෙස ඉතිහාසයට එක්වේ.
කටුනායක ජාත්යන්තර ගුවන් තොටුපොළින් දිවයිනට පැමිණි මෙම ජයග්රාහී කණ්ඩායම පිළිගැනීම සඳහා ගුවන් හමුදා මල්ලවපොර සංචිතයේ සභාපති ගෲප් කැප්ටන් නලින් වැවකුඹුර, ලේකම් විංග් කමානඩර් විරාජ් ගමගේ මල්ලවපොර සංචිතයේ පුහුණුකරු, කළමනාකරු සහ ක්රිඩක ක්රීඩිකාවන් පිරිසක් එක්ව සිටියහ. මල්ලවපොර ක්රීඩාවෙන් ජාත්යන්තර තලයේ රන් පදක්කමක් දිනාගනිමින් මෙරටට කීර්තියක් ගෙන ආ ගුවන් කාන්තා නිපුනි වාසනාගේ මෙම දක්ෂතාවය ඉදිරි ජාත්යන්තර තරගාවලි සඳහා ද විශාල දිරිගැන්වීමක් වනු ඇත.
