ඉන්ධන මිලෙහි සිදුවූ හදිසි ඉහළ යාම හේතුවෙන් පාසල් සිසුන් ප්රවාහනය කරනු ලබන වෑන් රථ සහ බස් රථ සේවා ගාස්තු ද ඉහළ දැමීමට එම ප්රවාහන සංගම් තීරණය කර තිබේ. දෛනික මෙහෙයුම් පිරිවැය සහ ඉන්ධන වියදම දැරිය නොහැකි මට්ටමකට පැමිණීම නිසා මෙම තීරණය ගැනීමට සිදුවූ බව ප්රවාහන සේවා හිමියන් පෙන්වා දෙති.
“අපට මෙම තත්ත්වය යටතේ පැරණි ගාස්තු ක්රමයට සේවාව පවත්වාගෙන යාම ඉතා අපහසුයි, ඒ නිසා මේ අවස්ථාවේ යම්කිසි මුදලකින් ගාස්තු වැඩි කරන්න සිදුවෙනවා” යැයි ප්රවාහන සේවා හිමියන්ගේ නියෝජිතයෝ සඳහන් කරති. ඉන්ධන මිල වැඩිවීමට සමානුපාතිකව වාහන නඩත්තු වියදම් සහ අමතර කොටස් මිල ද ඉහළ යාම මෙම තීරණයට ප්රධාන හේතුවක් වී ඇත.
මේ හේතුවෙන් දෙමාපියන්ගේ ආර්ථික බර තවදුරටත් ඉහළ ගොස් ඇති අතර, පාසල් ප්රවාහන ගාස්තු සම්බන්ධයෙන් දෙමාපියන් සහ ප්රවාහන හිමියන් අතර සාකච්ඡා කිහිපයක් ද මේ වන විට ආරම්භ වී තිබේ. කෙසේ වෙතත්, පාසල් සිසුන්ගේ ප්රවාහන කටයුතු අඩපණ නොවී පවත්වාගෙන යාම සඳහා හැකි උපරිම අයුරින් සහන සලසන බවත්, මිල ගණන් පාලනය කරගැනීම සඳහා අදාළ බලධාරීන් සමඟ ඉදිරියේදී සාකච්ඡා කිරීමට අපේක්ෂා කරන බවත් ප්රවාහන සංගම් වැඩිදුරටත් කියා සිටියි.
