ශ්රී ලංකා සුරැකුම්පත් හා විනිමය කොමිෂන් සභාවේ (SEC) සභාපති හර්ෂණ සූරියප්පෙරුම මහතාව එම ධුරයෙන් ඉවත් කරන ලෙස විවිධ පාර්ශ්වයන්ගෙන් ඉල්ලීම් ඉදිරිපත් වෙමින් පවතින බව වාර්තා වේ. කෙසේ වෙතත්, රජය මෙතෙක් එවැනි ඉවත් කිරීමක තීරණයක් ගෙන නොමැති බව නිල නොවන ආරංචි මාර්ග සඳහන් කරයි.
විශේෂයෙන්ම කොටස් වෙළෙඳපොළ ආයෝජකයින් සහ සිවිල් සංවිධාන කිහිපයක් විසින් පසුගිය පාලන සමයන්හි සිදුවූ බව කියන ඇතැම් සිදුවීම් පදනම් කරගනිමින් මෙම ඉල්ලීම සිදුකර ඇති බව පැවසේ. නමුත් රජයේ අභ්යන්තර ආරංචි මාර්ග පවසන්නේ, යම් ධුරධාරියෙකු ඉවත් කිරීමේදී පැහැදිලි නිර්ණායක සහ විධිමත් පරීක්ෂණ ක්රියාවලියක් අනුගමනය කළ යුතු බැවින්, හදිසි තීරණයක් ගැනීමට රජය මෙතෙක් පියවර ගෙන නොමැති බවයි.
මෙම පත්වීම සම්බන්ධයෙන් පවතින විවේචන හමුවේ ඉදිරි දිනවලදී රජය විසින් නිල ප්රකාශයක් නිකුත් කරනු ඇතැයි අපේක්ෂා කෙරේ.
