සංචාරක නවසීලන්ත කිලෝග්රෑම් 85න් පහළ (U85kg) රග්බි කණ්ඩායම සහ ශ්රී ලංකා රග්බි කණ්ඩායම අතර තීරණාත්මක දෙවැනි රග්බි තරගය අද (03) පස්වරු 4.00ට මහනුවර නිත්තවෙල ක්රීඩාංගනයේදී ආරම්භ වීමට නියමිතය.
දෙරට අතර පැවැති පළමු තරගයේදී ඉතා තියුණු සටනකින් පසු ලකුණු 22-16ක් ලෙස ජයග්රහණය වාර්තා කිරීමට නවසීලන්ත කණ්ඩායම සමත් විය. ඒ අනුව, අද පැවැත්වෙන මෙම අවසන් තරගය ශ්රී ලංකා කණ්ඩායමට මෙන්ම නවසීලන්තයට ද ඉතා වැදගත් වන්නේ තරගාවලියේ ජයග්රාහකයින්ට පිරිනමන ‘ශ්රීමත් ග්රැහැම් හෙන්රි’ (Sir Graham Henry) කුසලානය හිමිකර ගැනීමට මෙම ප්රතිඵලය සෘජුවම බලපාන බැවිනි.
මහනුවර ක්රීඩා ලෝලීන්ගේ දැඩි උනන්දුවක් පවතින මෙම තරගයේදී, පළමු තරගයේ වැරදි නිවැරදි කරගනිමින් ජයග්රහණය කරා යාමට ශ්රී ලංකා ක්රීඩකයින් සූදානමින් සිටියි.
