භාණ්ඩාගාරයට අයත් ඇමරිකානු ඩොලර් මිලියන 2.5ක මුදලක් සයිබර් වංචාවක් හරහා අතුරුදන් වීමේ සිද්ධිය සම්බන්ධයෙන් රාජ්ය ගිණුම් පිළිබඳ කාරක සභාව (COPA) හරහා පුළුල් විමර්ශනයක් පවත්වන ලෙස ‘ෆ්රී ලෝයර්ස්’ සංවිධානය ඉල්ලීමක් කරයි. එම සංවිධානය මේ සම්බන්ධයෙන් කෝපා කමිටුවේ සභාපති පාර්ලිමේන්තු මන්ත්රී කබීර් හෂීම් මහතා වෙත ලිඛිතව දැනුම් දී තිබේ.
කොළඹදී අද (03) පැවති මාධ්ය හමුවකදී අදහස් දැක්වූ එම සංවිධානයේ සාමාජික රංජිත් කීර්ති තෙන්නකෝන් මහතා අවධාරණය කළේ, මෙම මහා පරිමාණ මූල්ය වංචාව සම්බන්ධයෙන් කතානායකවරයා වෙත මීට පෙර පැමිණිලි කළ ද මෙතෙක් කිසිදු ප්රතිචාරයක් ලැබී නොමැති බවයි. එසේම රජයේ මුදල් පිළිබඳ කාරක සභාව (COPF) හරහා ද අපේක්ෂිත ප්රගතියක් අත් නොවූ බව ඔහු පෙන්වා දුන්නේය.
මුදල් අමාත්යාංශය විසින් අදාළ ලේඛන ඉදිරිපත් කිරීමට මාසයක කාලයක් ලබා දීම මෙම බරපතළ ප්රශ්නය යටපත් කිරීමේ උත්සාහයක් බවට චෝදනා කරන ‘ෆ්රී ලෝයර්ස්’ සංවිධානය, විගණකාධිපතිවරයා කේන්ද්ර කරගනිමින් මාධ්යයට විවෘත පූර්ණ විමර්ශනයක් කෝපා කමිටුව මගින් වහාම ආරම්භ කළ යුතු බව අවධාරණය කර සිටියි.
