ඇහැලියගොඩ පොලිස් වසමේ පැවිල්ල ප්රදේශයේ පිහිටි ඉඩමක් තුළ තිබී හඳුනා නොගත් කාන්තා මළ සිරුරක් සොයාගෙන ඇති අතර ඒ පිළිබඳව ඇහැලියගොඩ පොලිසිය විසින් පුළුල් විමර්ශනයක් ආරම්භ කර තිබේ. ඊයේ (2025.05.04) උදෑසන කාලයේදී පොලිසියට ලද තොරතුරක් මත මෙම මළ සිරුර සොයාගෙන ඇති අතර මියගිය කාන්තාව කුරුවිට ප්රදේශයේ පදිංචි 41 හැවිරිදි තැනැත්තියක බව අනාවරණය වී ඇත.
මෘත දේහය පරීක්ෂා කිරීමේදී ඇයගේ ශරීරයේ කැපුම් තුවාල කිහිපයක් දක්නට ලැබී ඇති අතර එමගින් මෙය ඉතා දරුණු ඝාතනයක් බවට තහවුරු වී තිබේ. මෙම අපරාධය සිදුකළ සැකකරුවන් සම්බන්ධයෙන් මෙතෙක් කිසිදු තොරතුරක් අනාවරණය වී නොමැති අතර ඔවුන් සොයා පොලිසිය විශේෂ විමර්ශනයක් ක්රියාත්මක කරයි. මේ වන විට මෘත ශරීරය පශ්චාත් මරණ පරීක්ෂණය සඳහා රත්නපුර රෝහලේ මෘත ශරීරාගාරයේ තැන්පත් කර ඇති අතර ඇහැලියගොඩ පොලිසිය සිද්ධිය සම්බන්ධයෙන් වැඩිදුර පරීක්ෂණ මෙහෙයවයි.
