ඉන්දියාව සහ ශ්රී ලංකාව අතර ගොඩබිම් සම්බන්ධතාවක් (Land Bridge) ස්ථාපිත කිරීමේ අවශ්යතාවය සහ ඒ සඳහා තවදුරටත් පසුබට වීමේ කාලය අවසන් වී ඇති බව ශ්රී ලංකාවේ ඉන්දීය මහ කොමසාරිස් සන්තෝෂ් ජා මහතා අවධාරණය කරයි. කොළඹදී පැවති ගෝලීය නවෝත්පාදන සහ නායකත්ව සමුළුව (Global Innovation and Leadership Summit) අමතමින් ඔහු මේ බව සඳහන් කළේය.
ඔහු පෙන්වා දුන්නේ රාමේශ්වරම් සහ තලෙයිමන්නාරම අතර දුර කිලෝමීටර් 30ක් වැනි සුළු දුරක් වුවද, දෙරට අතර කිසිදු සෘජු මාර්ගයක්, දුම්රිය මාර්ගයක්, නිසි පරිදි ක්රියාත්මක වන තොටුපළ සේවාවක් හෝ බලශක්ති ජාල සම්බන්ධතාවක් නොමැති වීම විශාල අසාමාන්ය තත්ත්වයක් බවයි. එවැනි සම්බන්ධතාවක් ඇති කිරීම දෙරටේම ආර්ථික භූගෝල විද්යාව සම්පූර්ණයෙන්ම වෙනස් කරනු ඇති බවත්, එය ශ්රී ලංකාවට කලාපීය කේන්ද්රස්ථානයක් වීමට විශාල රුකුලක් වනු ඇති බවත් ඔහු වැඩිදුරටත් පැවසීය.
ඉන්දියාව දැනට ශ්රී ලංකාවේ විශාලතම වෙළඳ හවුල්කරුවා මෙන්ම, වැඩිම සංචාරකයින් සංඛ්යාවක් පැමිණෙන රට සහ විදේශීය සෘජු ආයෝජනවල ප්රධාන මූලාශ්රයක් බවත් මහ කොමසාරිස්වරයා සිහිපත් කළේය. පසුගිය වසරේ ශ්රී ලංකාව තුළ සිදු වූ මුළු ආයෝජනවලින් 50%කට වැඩි ප්රමාණයක් ඉන්දීය ආයෝජන මගින් සිදුව ඇති බවත්, දූරකථන, බලශක්ති, ඩිජිටල්කරණය, මූල්ය සේවා සහ යටිතල පහසුකම් වැනි ක්ෂේත්රවල ඉන්දීය සමාගම් විශාල වශයෙන් ආයෝජන සිදු කර ඇති බවත් ඔහු පෙන්වා දුන්නේය.
