ශ්රී ලංකා රේගුව විසින් අප්රේල් මාසය තුළදී පමණක් රුපියල් බිලියන 236 ඉක්මවූ වාර්තාගත ආදායමක් උපයා ගනිමින් රාජ්ය භාණ්ඩාගාරය ශක්තිමත් කිරීමට සමත්ව තිබේ. අප්රේල් මාසය සඳහා රේගුව වෙත ලබා දී තිබූ රුපියල් බිලියන 181.27ක ආදායම් ඉලක්කය මෙලෙස ඉතා පහසුවෙන් පසුකර යාමට ඔවුන්ට හැකි වී ඇත.
මෙම සුවිශේෂී ප්රගතියත් සමඟ 2026 වසරේ ගෙවුණු පළමු මාස 4 තුළදී පමණක් රුපියල් බිලියන 919කට අධික මුදලක් රජයේ ගිණුමට බැර කිරීමට රේගු බලධාරීන් පියවර ගෙන තිබේ. දූෂණයෙන් තොර සහ කාර්යක්ෂම ආදායම් එකතු කිරීමේ ක්රියාවලියක් හරහා අත්පත් කරගත් මෙම ජයග්රහණය, මෙරට මූල්ය ඉතිහාසයේ රේගුව සනිටුහන් කළ සුවිශේෂී සන්ධිස්ථානයක් ලෙස සැලකේ. රාජ්ය මූල්ය ස්ථාවරත්වය සහ ජනතා සුබසාධනය උදෙසා මෙම අතිරික්ත ආදායම ඉදිරියේදී තීරණාත්මක බලපෑමක් එල්ල කරනු ඇතැයි අපේක්ෂා කෙරේ.
