රුසියානු සෞඛ්ය අමාත්ය මිහායිල් මුරාෂ්කෝ මහතා සහ මෙරට සෞඛ්ය අමාත්ය වෛද්ය නලින්ද ජයතිස්ස මහතා අතර පැවති සාකච්ඡාවලින් අනතුරුව, රුසියානු නියෝජිත පිරිස කොළඹ ජාතික රෝහලේ සහ කොළඹ වෛද්ය පීඨයේ විශේෂ නිරීක්ෂණ චාරිකාවක නිරත වූහ. මෙම සංචාරයේ මූලික අරමුණ වූයේ ශ්රී ලංකාවේ ප්රමුඛතම රෝහල් පද්ධතිය සහ වෛද්ය අධ්යාපන ආයතන නවීන තාක්ෂණික මෙවලම්වලින් බලගැන්විය හැකි ආකාරය පිළිබඳව සොයා බැලීමයි.
ජාතික රෝහලේ හදිසි ප්රතිකාර සහ හදිසි අනතුරු ඒකකයන්හි ක්රියාකාරීත්වය නිරීක්ෂණය කළ රුසියානු අමාත්යවරයා, මෙරට නිදහස් සෞඛ්ය සේවාවේ ගුණාත්මකභාවය සහ සෞඛ්ය කාර්ය මණ්ඩලවල කැපවීම පිළිබඳව සිය ප්රසාදය පළ කළේය. දෙරට අතර වෛද්ය දැනුම සහ තාක්ෂණය හුවමාරු කරගැනීම මඟින් සෞඛ්ය සබඳතා තවදුරටත් ශක්තිමත් කිරීමට අපේක්ෂා කරන බවද ඔහු මෙහිදී අවධාරණය කළේය.
මෙම අවස්ථාවට සෞඛ්ය අමාත්යාංශයේ උසස් නිලධාරීන්, කොළඹ විශ්වවිද්යාලයේ උපකුලපති මහාචාර්ය ඉන්දික කරුණාතිලක සහ වෛද්ය පීඨයේ පීඨාධිපති මහාචාර්ය වජිර දිසානායක ඇතුළු වෛද්යවරුන් පිරිසක් එක්ව සිටියහ. දෙපාර්ශ්වය අතර පවතින මිත්රත්වය සනිටුහන් කරමින් මෙහිදී සමරු තිළිණ හුවමාරුවක් ද සිදු විය.
