ඊශ්රායලයේ සමීපතම යුරෝපීය මිත්ර රාජ්යයක් වන ජර්මනිය, බටහිර ඉවුරේ පදිංචි කිරීම් ව්යාප්ත කිරීමට එරෙහිව සිය ස්ථාවරය ප්රසිද්ධියේ ප්රකාශ කර තිබේ. ජර්මානු විදේශ අමාත්ය වැඩෙෆුල් (Wadephul) පසුගිය අඟහරුවාදා අවධාරණය කළේ ගාසා තීරයේ වෙසෙන මිලියන දෙකක ජනතාව මුහුණ දී සිටින දැඩි මානුෂීය අර්බුදය හමුවේ සහන සේවා කඩිනමින් වැඩිදියුණු කළ යුතු බවයි.
බටහිර ඉවුරේ අත්පත් කරගත් භූමි ප්රමාණයන් තවදුරටත් ඊශ්රායලයට ඈඳා ගැනීමට (de facto annexation) උත්සාහ කිරීමට එරෙහිව ද බර්ලිනය සිය විරෝධය පළ කර ඇත. ඊශ්රායලයේ සමීපතම සගයෙකු මෙලෙස ප්රසිද්ධියේ පීඩනය එල්ල කිරීම, ජාත්යන්තර සහයෝගීතාවය තුළ පවතින ගැටලුකාරී තත්ත්වයන් මතු කරන බව දේශපාලන විශ්ලේෂකයෝ පෙන්වා දෙති.
